Պատահարներ Երևանում և հանրապետության ավտոճանապարհներին

Հունիսի 2-ին, ժամը 21.30-ին, անհայտ ավտոմեքենայի վարորդը Երևանի Արցախի փողոցի թիվ 8/3 շենքի բակում հետընթաց կատարելիս վրաերթի է ենթարկել 23-ամյա քաղաքացուհու, որը վնասվածքով բուժօգնության է դիմել հիվանդանոց:
Կատարվում է քննություն:

***
Հունիսի 2-ին, ժամը 21.00-ին, «Նիսան Մարչ» մակնիշի ավտոմեքենայի վարորդը Երևանի Կոմիտասի պողոտայի և Վ. Վաղարշյան փողոցի խաչմերուկում վրաերթի է ենթարկել 66-ամյա տղամարդու և իր ավտոմեքենայով նրան տեղափոխել հիվանդանոց:
Կատարվում է քննություն:

***
Հունիսի 2-ին, ժամը 02.10-ին, Երևանի Ծովակալ Իսակովի պողոտայում իրար են բախվել երկու «Մերսեդես Բենց», «Տոյոտա», «Օպել» և «ԲՄՎ» մակնիշի ավտոմեքենաներ:
«ԲՄՎ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 2-ին, ժամը 16.00-ին, հիվանդանոցից Ճանապարհային ոստիկանության օպերատիվ կառավարման կենտրոն հաղորդում է ստացվել, որ վթարի հետևանքով բուժօգնություն է ստացել 24-ամյա քաղաքացուհի:
Պարզվել է, որ նույն օրը, ժամը 13.00-ին, թիվ 26 երթուղու ավտոբուսի վարորդը Երևանի Սվաճյան փողոցի թիվ 26 հասցեի մոտ բախվել է առջևի ավտոմեքենային, ինչի հետևանքով ուղևորուհին սրահում վայր է ընկել և ստացել վնասվածքներ:
Կատարվում է քննություն:

***
Հունիսի 2-ին, ժամը 23.00-ին, Երևանի Դավիթ Անհաղթի և Կ. Ուլնեցու փողոցների խաչմերուկում իրար են բախվել «Դեյվու Նեքսիա» և «Ֆոլքսվագեն Գոլֆ» մակնիշի ավտոմեքենաներ:
Պատահարի հետևանքով «Դեյվու Նեքսիա»-ի վարորդը և «Ֆոլքսվագեն Գոլֆ»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 2-ին, ժամը 23.50-ի սահմաններում, Հրազդանի Միկրոշրջան թաղամասի շուկայի խաչմերուկում «ԼուԱԶ 969 Մ» մակնիշի ավտոմեքենան բախվել է «ՎԱԶ-21124» մակնիշի ավտոմեքենայի:
«ԼուԱԶ 969 Մ»-ի վարորդը և «ՎԱԶ-21124»-ի 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 2-ին, ժամը 09.00-ի սահմաններում, Առինջ գյուղի Մաշտոցի փողոցում «Օպել Աստրա» մակնիշի ավտոմեքենան բախվել է էլեկտրասյանը, ինչի հետևանքով ուղևորը մարմնական վնասվածքով տեղափոխվել է հիվանդանոց:
Կատարվում է քննություն:

***
Հունիսի 1-ին, ժամը 18.50-ին, ոստիկանության Չարենցավանի բաժնում ահազանգ էր ստացվել, որ Սևան-Երևան ճանապարհին` Չարենցավանի հատվածում, ավտովթար է տեղի ունեցել:
Հունիսի 2-ին, ժամը 13.45-ին, հիվանդանոցից հաղորդում է ստացվել, որ կրծքավանդակի փակ վնասվածքով բուժօգնության է դիմել 30-ամյա տղամարդ և հայտնել, որ վնասվածքը ստացել է հունիսի 1-ին, ժամը 18.40-ին, իր վարած «Օպել Զաֆիրա» մակնիշի ավտոմեքենայով Սևան-Երևան ճանապարհի 29-րդ կմ-ին ծառին բախվելու հետևանքով:
Կատարվում է քննություն:

***
Հունիսի 2-ին, ժամը 14.00-ին, ոստիկանության Կումայրիի բաժին է դիմել 50-ամյա տղամարդ և հաղորդում տվել, որ նույն օրը, ժամը 12.45-ի սահմաններում, «ԳԱԶ-5312» մակնիշի ավտոմեքենայով Գյումրիի Մուսայելյան փողոցի թիվ 52 հասցեի դիմաց վրաերթի է ենթարկել 23-ամյա քաղաքացուհու և նրան տեղափոխել հիվանդանոց:
Կատարվում է քննություն: