Պատահարներ Երևան քաղաքում և հանրապետության ավտոճանապարհներին

Հուլիսի 2-ին, ժամը 18.00-ին, «Օպել-Աստրա» մակնիշի ավտոմեքենան Երևանի Արցախի և Արին-Բերդի փողոցների խաչմերուկում բախվել է կայանված ավտոկռունկի:
«Օպել-Աստրա»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 2-ին ոստիկանությունում հաղորդում է ստացվել, որ ժամը 12.00-ի սահմաններում Երևանի Կոմիտասի պողոտայի թիվ 63 շենքի դիմաց թիվ 13 երթուղու անհայտ մակնիշի ավտոբուսի վարորդը արգելակել է, ինչի հետևանքով սրահում գտնվող 45-ամյա ուղևորուհին վայր է ընկել և մարմնական վնասվածքներով բուժօգնության դիմել հիվանդանոց:
Կատարվում է քննություն:

***
Հուլիսի 3-ին, ժամը 00.30-ին, Երևանի Կոմիտասի պողոտայի թիվ 54 շենքի դիմաց «Տակպար» մակնիշի մոտոցիկլետը բախվել է կայանված «Մերսեդես Բենց C-180» մակնիշի ավտոմեքենայի:
Մոտոցիկլետի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 2-ին, ժամը 22.30-ի սահմաններում, Արագածոտնի մարզի Միջնատուն գյուղին հարակից սարը բարձրանալու ճանապարհին «Տ-25» մակնիշի տրակտորը շրջվել է, ինչի հետևանքով վարորդը և ուղևորը մարմնական վնասվածքներով դիմել են հիվանդանոց:
Կատարվում է քննություն:

***
Հուլիսի 2-ին, ժամը 07.30-ի սահմաններում, «ՎԱԶ-21010» մակնիշի ավտոմեքենան Երևան-Երասխ ճանապարհին` Արտաշատ քաղաքի կամրջի վրա, բախվել է «ԲՄՎ» մակնիշի ավտոմեքենայի:
«ՎԱԶ-21010»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 2-ին, ժամը 18.00-ի սահմաններում, Երևան-Երասխ ճանապարհին` Մարմարաշեն գյուղից Մասիս քաղաք տանող ճանապարհի խաչմերուկում, «ԶԻԼ» մակնիշի ավտոմեքենա է կողաշրջվել:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 2-ին, ժամը 23.45-ի սահմաններում, Արմավիր-Իսահակյան-Գյումրի ճանապարհի 21-րդ կմ-ին իրար են բախվել «ԶԻԼ-130» և «ԳԱԶ-24» մակնիշի ավտոմեքենաներ:
«ԳԱԶ-24»-ի վարորդը և 3 ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հուլիսի 2-ին, ժամը 03.00-ի սահմաններում, Երևան-Արմավիր ճանապարհի 7-րդ կմ-ին «ՎԱԶ-21015» մակնիշի ավտոմեքենան բախվել է անհայտ մակնիշի ավտոմեքենայի:
«ՎԱԶ-21015»-ի վարորդը 2 ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հուլիսի 2-ին, ժամը 18.00-ին, ոստիկանության Բազումի բաժին է դիմել մի կին և հաղորդում տվել, որ նույն օրը, ժամը 14.15-ի սահմաններում, երբ 4-ամյա դուստրն անցել է Վանաձորի Տիգրան Մեծի փողոցի թիվ 50 շենքի մոտ գտնվող հետիոտնային անցումով` կարմիր գույնի անհայտ մակնիշի ավտոմեքենան կողային մասով հարվածել է նրան, ինչի հետևանքով երեխան վայր է ընկել և աջ ձեռքի մասում ստացել մարմնական վնասվածք:
Կատարվում է քննություն:

***
Հուլիսի 2-ին, ժամը 18.00-ի սահմաններում, «Մերսեդես» մակնիշի ավտոմեքենան Երևան-Սևան ճանապարհի 13-րդ կմ-ին բախվել է «Հոնդայի» մակնիշի ավտոմեքենայի:
«Մերսեդես»-ի ուղևորը և «Հոնդայի» վարորդը տեղափոխվել են հիվանդանոց:
Կատարվում է քննություն: