Պատահարներ Երևանում և հանրապետության ավտոճանապարհներին

Օգոստոսի 23-ին, ժամը 16.10-ին, «Մերսեդես-Բենց» մակնիշի ավտոմեքենայի վարորդը Երևանի Լուկաշինի փողոցի թիվ 66 հասցեի դիմաց արգելակել է, ինչի հետևանքով 4-ամյա ուղևորուհին մարմնական վնասվածքով տեղափոխվել է հիվանդանոց:
Կատարվում է քննություն:

***
Օգոստոսի 23-ին, ժամը 15.00-ին, «ֆոլքսվագեն Պասատ» մակնիշի ավտոմեքենայի վարորդը Երևանի Խաղաղ-Դոնի փողոցի թիվ 15 շենքի դիմաց վրաերթի է ենթարկել 51-ամյա տղամարդու, ապա բախվել կայանված «Ֆորդ» ավտոմեքենայի:
Վրաերթի ենթարկված տղամարդը վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 23-ին, ժամը 00.30-ին, Երևանի Փափազյան և Ա. Խաչատրյան փողոցների խաչմերուկում իրար են բախվել «Օպել» և «Մեփլ» մակնիշի ավտոմեքենաներ:
Պատահարի հետևանքով «Մեփլ»-ի 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 23-ին, ժամը 16.00-ին, «Ռենո Լոգան» մակնիշի ավտոմեքենան Երևանի Մ. Մելքոնյան փողոցի վերջնամասում բախվել է «ԳԱԶ-31029» մակնիշի ավտոմեքենայի:
«Ռենո Լոգան»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 22-ին, ժամը 20.00-ին, «Նիսան» մակնիշի ավտոմեքենան Երևանի Աճառյան փողոցի և Առինջ գյուղ տանող խաչմերուկում բախվել է «Օպել» մակնիշի ավտոմեքենայի:
«Նիսան»-ի 3 ուղևորները և «Օպել»-ի վարորդը մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 23-ին, ժամը 22.45-ի սահմաններում, «Ֆրիլանդեր» մակնիշի բեռնատար ավտոմեքենան Քարակերտ-Արմավիր ճանապարհի 1-ին կմ-ին կողաշրջվել է, իսկ կցորդը բախվել է հանդիպակաց ընթացող «Միցուբիշի Մոնտեռո» մակնիշի ավտոմեքենայի, ինչի հետևանքով ավտոմեքենաներին պատճառվել է նյութական վնաս:

***
Օգոստոսի 23-ին, ժամը 16.00-ի սահմաններում, «ՎԱԶ-2106» մակնիշի ավտոմեքենան Էջմիածին-Ծաղկունք ճանապարհի 1-ին կմ-ին դուրս է եկել երթևեկելի գոտուց և կողաշրջվել, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 23-ին, ժամը 23.00-ի սահմաններում Երևան-Էջմիածին ճանապարհի 12-րդ կմ-ին իրար են բախվել «Մերսեդես Բենց C 180», «ԳԱԶ-24» և «ԲՄՎ 750» մակնիշի ավտոմեքենաներ:
«Մերսեդես Բենց C 180»-ի ուղևորուհին մարմնական վնասվածքով տեղափոխվել է հիվանդանոց:
Կատարվում է քննություն:

***
Օգոստոսի 23-ին, ժամը 01.40-ի սահմաններում, Իջևան-Երևան ճանապարհի 94-րդ կմ-ին «Տոյոտա Ալտեզզա» մակնիշի ավտոմեքենան դուրս է եկել երթևեկելի գոտուց և շրջվել ճանապարհի աջակողմյան դաշտամիջյան հատվածում, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 23-ին, ժամը 23.30-ի սահմաններում, Աբովյան քաղաքից Մայակովսկի գյուղ տանող ճանապարահին իրար են բախվել «ՎԱԶ-2107» և «Տոյոտա» մակնիշի ավտոմեքենաներ:
Պատահարի հետևանքով «ՎԱԶ-2107»-ի ուղևորը մարմնական վնասվածքով դիմել է հիվանդանոց:
Կատարվում է քննություն:

***
Օգոստոսի 23-ին, ժամը 11.10-ին, մեղայականով ոստիկանության Գորիսի բաժին է ներկայացել 20-ամյա երիտասարդ և հայտարարել, որ նույն օրը, ժամը 10.40-ի սահմաններում, Գորիսի Սյունիքի փողոցի թիվ 62 տան դիմաց իր «ՎԱԶ-21083» մակնիշի ավտոմեքենայով վրաերթի է ենթարկել 6-ամյա տղայի և նրան տեղափոխել հիվանդանոց:
Կատարվում է քննություն:

***
Օգոստոսի 23-ին, ժամը 19.00-ի սահմաններում, Եղեգնաձոր-Ագարակաձոր ճանապարհի 1.5-րդ կ/մ-ին «ՎԱԶ-2106» մակնիշի ավտոմեքենան դուրս է եկել երթևեկելի գոտուց և կողաշրջվել:
Վարորդը մարմնական վնասվածքով տեղափոխվել է հիվանդանոց:
Կատարվում է քննություն: