Ուղևորուհու իրերով փախուստի դիմած տաքսու վարորդը հայտնաբերվեց

Հունվարի 7-ին ոստիկանության Կենտրոնականի բաժնում հաղորդում էր ստացվել, որ տաքսու վարորդը Թումանյան փողոցում գտնվող սուպերմարկետի մոտ գողացել է 1987 թ. ծնված Ն.-ի պայուսակը:
Մեկնած օպերատիվ խմբին տուժողը հայտնել էր, որ նույն օրը, ժամը 20.30-ի սահմաններում, պայուսակը և հագուստները թողնելով «ՎԱԶ-21010» մակնիշի տաքսի ավտոմեքենայի մեջ` մտել էր սուպերմարկետ և քիչ անց վերադառնալով` նկատել, որ տաքսին անհետացել է:
Մարտի 17-ին ոստիկանության Կենտրոնականի բաժնի ծառայողները պարզել են, որ գողությունը կատարել է 1968 թ. ծնված Արայիկ Գ.-ն, որը ներկայացել է բաժին և խոստովանել կատարածը:
Կատարվում է նախաքննություն: