Որսորդական հրացանից օդ է կրակել. կասկածյալը բերման ենթարկվեց ոստիկանություն

Հունվարի 21-ին, ժամը 15.00-ի սահմաններում, ոստիկանության Կոտայքի բաժնում տեղեկություն է ստացվել, որ Բյուրեղավան քաղաքի 1-ին փողոցի թիվ 2 շենքի բակում անհայտ անձը կրակոցներ է արձակում:
Ձեռնարկված միջոցառումների արդյունքում պարզվել է, որ կրակոցներ արձակողը 1995 թ. ծնված Աղաբեկ Պ.-ն է: Նա հունվարի 21-ին, ժամը 15.00-ի սահմաններում, նշված շենքի բակում որսորդական հրացանից 3 կրակոց է արձակել՝ թռչուններ որսալու նպատակով:
Նույն օրը, ժամը 15.30-ին, Աղաբեկ Պ.-ն բերման է ենթարկվել ոստիկանության Բյուրեղավանի բաժանմունք, որտեղ անձնական խուզարկությամբ հայտնաբերվել է հրացանը:
Դեպքի վայրի զննությամբ շենքի բակում և հարակից տարածքում հայտնաբերվել է 3 կրակված փամփուշտ:
Հանգամանքները պարզվում են:
Նշանակվել է դատաձգաբանական փորձաքննություն:
Նախապատրաստվում են նյութեր:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: