Ոստիկանները բացահայտեցին Իջևանի սուպերմարկետից կատարված գողությունը

Մայիսի 16-ին, ժամը 13.00-ին, ոստիկանության Իջևանի բաժին հաղորդում է ստացվել, որ մայիսի 15-ին, ժամը 24.00-ից մինչև մայիսի 16-ի ժամը 08.20-ն ընկած ժամանակահատվածում, անհայտ անձը, տեխնիկական միջոցների գործադրմամբ Իջևանի Երևանյան փողոցում գտնվող սուպերմարկետի հետնամասի 2-րդ հարկի պատուհանը բացելով, ապօրինի մուտք է գործել սուպերմարկետ և գողացել համակարգչի 2 պրոցեսոր, նաև վնասել է դրամարկղը՝ պատճառելով մոտ 1.200.000 դրամի վնաս:
Ոստիկանության Տավուշի մարզային վարչության և Իջևանի բաժնի ծառայողների ձեռնարկած բացատրական աշխատանքների շնորհիվ նույն օրը, ժամը 19.00-ին, կամավոր ոստիկանության Իջևանի բաժին է ներկայացել 1989 թ. ծնված Նիկոլայ Ց.-ն, որը խոստովանական բացատրություն է տվել, որ մայիսի 16-ի գիշերը հիշյալ սուպերմարկետից գողությունը կատարել է ինքը:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: