Ոստիկանները մեկնեցին ահազանգի հետքերով. հանրապետության մի շարք վայրերում զենք-զինամթերք է հայտնաբերվել

Հունվարի 17-ին, ժամը 09.40-ին, անհայտ քաղաքացուց ոստիկանության Մասիսի բաժնում ահազանգ է ստացվել, որ Մարմարաշեն գյուղի գերեզմանոցների մոտ զենք-զինամթերք է թողել:
Մեկնած օպերատիվ խումբը նշված վայրում, պոլիէթիլենային պարկի մեջ, հայտնաբերել է «ՏՕԶ» տիպի փամփուշտներ կրակելու համար նախատեսված կարճեցված փողով ինքնաշեն սարք, «ՌԿԳ» տիպի հակատանկային նռնակ, նռնականետ, «Ֆ-1» տիպի նռնակ, նռնակի պայթուցիչ, «ՌՊ-5» տիպի պայթուցիչ, ինքնաձիգի 5.45 մմ տրամաչափի 82 և 7.62 մմ տրամաչափի 132 փամփուշտ:
Հայտնաբերվածն ուղարկվել է փորձաքննության:
Կատարվում է հետաքննություն:

***
Հունվարի 17-ին, ժամը 12.10-ին, անհայտ քաղաքացուց ոստիկանության Գավառի բաժնում ահազանգ է ստացվել, որ Գավառ քաղաքի «Համալիր» կոչվող տարածքում ինքնաձիգ է թողել:
մեկնած օպերատիվ խումբը նշված տարածքում հայտնաբերել է «ԱԿ-74» ինքնաձիգ` պահունակով, լիցքավորված 5.45 մմ տրամաչափի 25 փամփուշտներով: Հայտնաբերվել է նաև նույն տրամաչափի 134 փամփուշտ:
Նշանակվել է փորձաքննություն:
Կատարվում է հետաքննություն:

***
Հունվարի 17-ին, ժամը 10.50-ին, անհայտ քաղաքացուց ոստիկանության Մարտունու բաժնում ահազանգ է ստացվել, որ Մարտունի քաղաքի Հ. Հարությունյան փողոցում, երկաթբետոնե պանելների մոտ, զենք և զինամթերք է թողել:
Մեկնած օպերատիվ խումբը նշված վայրում հայտնաբերել է «ԱԿՄ» տիպի 7.62 մմ տրամաչափի ինքնաձիգ` պահունակով, ինքնաձիգի 5.45 մմ տրամաչափի 504 փամփուշտ, հրանոթի 1 արկ և «Ֆ-1» տիպի 2 նռնակ` առանց պայթուցիչի:
Նշանակվել է փորձաքննություն:
Կատարվում է հետաքննություն:

***
Հունվարի 17-ին, ժամը 11.00-ին, անհայտ քաղաքացուց ոստիկանության Վարդենիսի բաժնում ահազանգ է ստացվել, որ Վարդենիս-Սոթք ճանապարհին` Շատջրեք գյուղին հարակից եկաթգծերի մոտ, քանդված շինության մեջ, պարկով ինքնաձիգ և փամփուշտներ է թողել:
Ոստիկանները նշված վայրում հայտնաբերել «ԱԿ-74» տիպի 5.45 մմ տրամաչափի ինքնաձիգ` պահունակով, ինքնաձիգի 5.45 մմ տրամաչափի 107 հատ փամփուշտ, ինքնաձիգի 7.62 մմ տրամաչափի 32 փամփուշտ և «Կարաբին» տիպի հրացանի 7.62 մմ տրամաչափի 2 փամփուշտ:
Նշանակվել է փորձաքննություն:
Կատարվում է հետաքննություն:

***
Հունվարի 16-ին ոստիկանության Ապարանի բաժին է զանգահարել անհայտ քաղաքացի և հայտնել, որ Ապարանի հուշահամալիրի պահակակետի հետնամասում ինքնաձիգ է թողել:
Մեկնած օպերատիվ խումբը Ապարան քաղաքի «Վերածնունդ» հուշահամալիրի տարածքում գտնվող փայտե տնակի հետնամասում հայտնաբերվել է պոլիէթիլենի տոպրակի մեջ փաթաթված 7,62 մմ տրամաչափի ինքնաձիգ` առանց պահունակի և առանց խզակոթի:
Կատարվում է հետաքննություն: