Հերթական ոսկի որոնողները հայտնվեցին ոստիկանությունում

Ոստիկանության Վարդենիսի բաժնի ծառայողներն օրերս Սոթքի ոսկու հանքի հանքախորշից գողություն կատարելու կասկածանքով բերման են ենթարկել 1967 թ. ծնված Աշոտ Պ.-ին: Նրա ձեռքին եղած պարկում հայտնաբերվել է 9.4 կգ հանքանյութի զանգված: Վերջինս խոստովանել է, որ հանքանյութը գողացել է մշակելու և ոսկի ստանալու նպատակով:
Նույն օրը ոստիկանները նույն հանքախորշում բռնել և գողություն կատարելու կասկածանքով բաժին բերման են ենթարկել 1987 թ. ծնված Գուրգեն Դ.-ին: Վերջինս նույնպես դատարկաձեռն չէր. նրա մոտ եղած պարկում հայտնաբերվել է 21 կգ հանքանյութի զանգված: Եվ դարձյալ նույն պատճառաբանություն՝ հանքանյութը գողացել է մշակելու և ոսկի ստանալու նպատակով:
Պատճառված վնասի չափը պարզվում է:
Կատարվում է հետաքննություն: