ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
14.04.2017 10:29
ԼՂՀ ՈՍՏԻԿԱՆՈՒԹՅԱՆ ՊԵՏ ԿԱՄՈ ԱՂԱՋԱՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՈՍՏԻԿԱՆՈՒԹՅԱՆ ՕՐՎԱ ԱՌԹԻՎ
Հարգելիˊ Վլադիմիր Սերգեյի,
Արցախի Հանրապետության ոստիկանության եւ անձամբ իմ անունից ի սրտե շնորհավորում եմ Ձեզ եւ ՀՀ ոստիկանության ողջ անձնակազմին՝ Հայաստանի Հանրապետության ոստիկանության 99-րդ տարեդարձի առթիվ։
ՀՀ ոստիկանությունում իրականացված եւ շարունակվող բարեփոխումները միանշանակորեն դրականորեն են ազդում ոստիկանության հանդեպ քաղաքացիների վստահության ամրապնդմանը։ Մենք ականատեսն ենք, թե ինչպիսի եռանդով եք կյանքի կոչում Ձեր իսկ կողմից որդեգրված՝ համակարգի գործունեությունը լիարժեք արդարության եւ թափանցիկության հասցնելու քաղաքականությանը, որի շնորհիվ հաջողվել է կոտրել բոլոր կարծրատիպերը ու հասաարկությանը ներկայանալ անաչառ եւ հոգատար իրավապահի կերպարով։
Արցախի Հանրապետության ոստիկանությունը երախտապարտ է Ձեր կողմից ցուցաբերվող մշտական ուշադրության եւ աջակցության համար։ Հարկ է նշել, որ հայկական երկու հանրապետությունների ոստիկանությունները հանցավորության դեմ տարվող պայքարը համատեղ իրականացնելուն հետ մեկտեղ, հայրենիքին սպառնացող արտաքին վտանգի դեպքում առանց հապաղման նետվել են առաջնագիծ, որը պատրաստ են կրկնելու նաեւ այսօր։
Եվս մեկ անգամ շնորհավորելով Ձեզ եւ ՀՀ ոստիկանության ծառայողներին, ցանկանում ենք խաղաղություն եւ անձնական երջանկություն մեր ընտանիքներում։
Մեր գործն արդար է ու աստվածահաճո է ու մենք համոզված հավատում ենք վաղվա պայծառ լուսաբացին։
ԼՂՀ ոստիկանության պետ,
գեներալ-մայոր Կամո ԱՂԱՋԱՆՅԱՆ
