ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
23.07.2019 15:28
Ոստիկանները բացահայտել են Նոր Նորքում կատարված բնակարանային գողությունը (ՏԵՍԱՆՅՈՒԹ)
![Ոստիկանները բացահայտել են Նոր Նորքում կատարված բնակարանային գողությունը (ՏԵՍԱՆՅՈՒԹ) Ոստիկանները բացահայտել են Նոր Նորքում կատարված բնակարանային գողությունը (ՏԵՍԱՆՅՈՒԹ)](/resources/police/img/news/big/1563881391,0808.jpeg)
Հուլիսի 8-ին անհայտ անձը կամ անձինք հարմարեցված բանալիով բացել են Երևանի Գյուլիքեխվյան փողոցի շենքերից մեկի բնակարանի դուռը, մտել ներս, գողացել ոսկյա կախազարդ ու լուսանկարչական տեսախցիկ՝ տանտիրոջը պատճառելով 370.000 դրամի վնաս:
Հանցագործությունը «տաք հետքերով» բացահայտել չհաջողվեց: Օրեր անց ոստիկանության քրեական հետախուզության գլխավոր վարչության և Նոր Նորքի բաժնի ծառայողների համատեղ օպերատիվ-հետախուզական միջոցառումերով վարկած առաջ քաշվեց, որ բնակարանային գողությունը հնարավոր է կատարած լինեն Երևանի 30, 34 և 36-ամյա բնակիչներ:
Ճշտվեց նրանց ինքնությունն ու կասկածյալներից երկուսը բնակարանային գողություն կատարելու կասկածանքով բերման ենթարկվեցին ոստիկանություն: Նրանք ձերբակալված են:
Ձեռնարկվում են միջոցառումներ երրորդ կասկածյալին և գողոնը հայտնաբերելու ուղղությամբ:
Կատարվում է քննություն: