Գլխավոր էջ ՕՊԵՐԱՏԻՎ ԱՄՓՈՓԱԳՐԵՐ Զենք-զինամթերքի հայտնաբերում

Նոյեմբերի 15-ին, ժամը   19.00-ին,  Գեղարքունիքի մարզի ընդհանուր իրավասության առաջին ատյանի դատարանի   որոշման հիման վրա, 1985 թ. ծնված Արման Ս.-ի բնակարանում և կից շինություններում կատարված խուզարկության ժամանակ բնակարանի ննջասենյակից ոստիկանության Վարդենիսի բաժնի  աշխատակիցները հայտնաբերել  են «ՏՕԶ» տիպի 5.6 մմ տրամաչափի մեկփողանի ակոսավոր հրացան, մյուս ննջասենյակից հայտնաբերվել է ստվարաթղթե տուփով պլաստմասե տարա՝ լցված մոխրագույն, վառոդանման զանգվածով,  որսորդական հրացանի փամփուշտների 24 ճայթիչ, արճճե կլորավուն գնդակներ: Անասնագոմում առկա ստվարաթղթե արկղում հայտնաբերվել է ինքնաձիգի փամփուշտների 4 գնդակ,   ինքնաձիգի չկրակված 3 պարկուճ, բազմաթիվ ճայթիչներ,  արճճե տարբեր տրամաչափի գնդակներ, 12 տրամաչափի որսորդական հրացանի կրակված 1 պարկուճ, 2 տուփ վառոդանման մոխրագույն զանգված:

Ըստ բնակարանատեր` 1935 թ. ծնված Սարիբեկ Ս.-ի հայտարարության՝ հայտնաբերվածը պատկանում է իրեն, բերել է 1990 թ. ԼՂՀ Քարվաճառի տարածքից և պահել իր տանը:

Նշանակվել է դատաձգաբանական փորձաքննություն:

Կատարվում է նախաքննություն:

 

***

 

Նոյեմբերի 15-ին, ժամը 23.10-ին,   Գեղարքունիքի մարզի ընդհանուր իրավասության առաջին ատյանի դատարանի որոշման հիման վրա, ոստիկանության Վարդենիսի բաժնի  աշխատակիցները 1982 թ. ծնված Արգիշտի Բ.-ի բնակարանի խուզարկությամբ՝  լոգարանի առաստաղին հարմարեցված դարակից հայտնաբերել են  «ՏՕԶ» տիպի, 5.6 մմ տրամաչափի հրազենի 30 փամփուշտ:

Նշանակվել է դատաձգաբանական փորձաքննություն:

Կատարվում է քննություն: