Հետախուզվողը հայտնաբերվեց Մեղրիի սահմանային անցակետի տարածքում

Ոստիկանության Մեղրիի բաժնում ստացված օպերատիվ տեղեկություններն իրացնելով՝ «Կանալ-կենտրոն-2019» միջազգային հակաթմրանյութային գործողության շրջանակներում ոստիկանության ԿՀԴՊ գլխավոր վարչության, Սյունիքի մարզային վարչության և ՌԴ սահմանապահ զորքերի ծառայողների համատեղ ձեռնարկած միջոցառումների շնորհիվ փետրվարի 27-ին, ժամը 17.00-ին, «Մեղրիի» սահմանային անցակետի հարակից տարածքից բերման է ենթարկվել 57-ամյա Հովիկ Զ.-ն, որը փետրվարի 26-ից ոստիկանության Մաշտոցի բաժնի կողմից հետախուզվում էր ՀՀ քրեական օրենսգրքի 268-րդ հոդվածի (թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) 2-րդ մասի 2-րդ կետի մեղադրանքով: