ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
12.06.2019 13:42
Մեղրիի ոստիկանների բացահայտումը
![Մեղրիի ոստիկանների բացահայտումը Մեղրիի ոստիկանների բացահայտումը](/resources/police/img/news/big/1560332764,3142.jpeg)
Ապրիլի 10-ին հաղորդվել էր Մեղրիում միանգամից երեք տնից գողություններ կատարելու մասին: Մի տան ննջասենյակի պատուհանի ցանցը պոկել, պատուհանի ապակին կոտրել և ննջասենյակի պահարանից գողացել էին մոտ 60 հազար դրամ: Մյուս երկու դեպքում էլ տուն էին մտել գրեթե նույն կերպ:
Նմանատիպ մի հաղորդում էլ ոստիկանության Մեղրիի բաժնում ստացվել էր ապրիլի 18-ին: Ննջասենյակի պահարանից գողացել էին պահածոյի 70 տարա:
Ձեռնարկված միջոցառումների արդյունքում պարզվել է, որ այս գողությունները կատարել է Ալվանք գյուղի բնակիչ, 34-ամյա մի տղամարդ, որը մայիսի 30-ին Սյունիքի մարզի առաջին ատյանի ընդհանուր իրավասության դատարանի որոշմամբ, այլ հանցագործության մեղադրանքով կալանավորվել և տեղափոխվել է քրեակատարողական հիմնարկ:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: