Մասիսի ոստիկանները հայտնաբերել են կողոպուտի մեջ կասկածվողին

Մայիսի 16-ին 22-ամյա մի առաքիչ հաղորդում է տվել, որ իրենց տան մոտ 43 հազար դրամ պարտքը վերադարձնելու հարցի շուրջ իր հետ վիճաբանել են Անդրանիկ Ֆ.-ն և նրա ընկերը, որի ընթացքում հարվածներ են հասցրել իրեն, իսկ ընկերն իր մեքենայի միջից վերցրել է դրամապանակը, որի մեջ եղել է 25 հազար դրամ, հեռախոս, մեքենայի տեխնիկական անձնագիրը, վարորդական իրավունքի վկայականը և հեռացել:
Ձեռնարկվել են միջոցառումներ կողոպուտի մեջ կասկածվող անձանց հայտնաբերելու ուղղությամբ:
Մայիսի 20-ին, նյութերի նախապատրաստման ընթացքում պարզվել է Անդրանիկի ընկերոջ ինքնությունը՝ 32-ամյա Կարեն Ա., որը տարված բացատրական աշխատանքների շնորհիվ ներկայացել է բաժին, տվել է բացատրություն և բաց թողնվել:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: