Ճանապարհատրանսպորտային պատահարներ Երևան քաղաքում և հանրապետության ավտոճանապարհներին

Դեկտեմբերի 15-ին` ժամը 20.00-ին, Նորքի 8-րդ և 9-րդ փողոցների խաչմերուկում միմյանց են բախվել «Մերսեդես» և «Նիսսան» մակնիշների ավտոմեքենաներ, ինչի հետևանքով «Նիսսան»-ի 21-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 15-ին՝ ժամը 10.00-ի սահմաններում, «Նիսսան Տիանա» մակնիշի ավտոմեքենան Սևան-Մարտունի-Գետափ ճանապարհի 23-րդ կմ-ին դուրս է եկել ճանապարհի երթևեկելի գոտուց և բախվել կայանված «ՎԱԶ-2106»-ի, որն էլ բախվել է «Օպել» մակնիշի ավտոմեքենայի, ինչի հետևանքով «Նիսսան Տիանա»-ի վարորդը և վերջինիս 22-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Դեկտեմբերի 15-ին՝ ժամը 12.30-ի սահմաններում, Վանաձոր-Վրաստանի սահման միջպետական ճանապարհի 54-րդ կմ-ին միմյանց են բախվել «ՎԱԶ-2108» և «ՎԱԶ-2107» մակնիշների ավտոմեքենաներ, ինչի հետևանքով «ՎԱԶ-2108»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Դեկտեմբերի 15-ին՝ ժամը 16.00-ի սահմաններում, «ՎԱԶ-21099» մակնիշի ավտոմեքենան Վանաձոր-Վրաստանի սահման միջպետական ճանապարհի 35-րդ կմ-ին դուրս է եկել ճանապարհի երթևեկելի գոտուց և կողաշրջվել, ինչի հետևանքով վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 15-ին՝ ժամը 21.00-ի սահմաններում, Աշտարակ-Երևան ճանապարհի 15-րդ կմ-ին «ԲՄՎ» մակնիշի ավտոմեքենայի վարորդը վրաերթի է ենթարկել 1956 թ. ծնված Սուսաննա Ո.-ին, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 15-ին՝ ժամը 06.10-ի սահմաններում, «ԿամԱԶ» մակնիշի բեռնատարը Երևան-Սևան-Իջևան ճանապարհի 88-րդ կմ-ին դուրս է եկել երթևկելի գոտուց, բախվել արգելապատնեշին և ընկել ձորը, ինչի հետևանքով վարորդը մարմնական վնասվածքներով տեղափոխվել է հիվանդանոց:
Կատարվում է քննություն: