Պատահարներ Երևանում և հանրապետության ավտոճանապարհներին

Օգոստոսի 27-ին, ժամը 13.30-ին, Երևանի Մաշտոցի պողոտայի ստորգետնյա անցումում իրար են բախվել «Նիսան», «Շկոդա» և «ԲՄՎ» մակնիշի ավտոմեքենաներ:
Պատահարի հետևանքով «Նիսան»-ի և «Շկոդա»-ի վարորդները մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 27-ին, ժամը 18-ին, «ՊԱԶ» մակնիշի ավտոմեքենայի վարորդը Երևանի Գարեգին Նժդեհի փողոցի թիվ 33 հասցեի դիմաց վրաերթի է ենթարկել 31-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 27-ին, ժամը 18.50-ին, Երևանի Պ.Սևակի փողոցի 17/11 հասցեի դիմաց իրար են բախվել «Ֆոլքսվագեն» մակնիշի ավտոմեքենա և «Հոնդա» մակնիշի մոտոցիկլետ:
Մոտոցիկլետի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 27-ին ժամը 12.30-ի սահմաններում Էջմիածին-Շահումյան ճանապարհի 1-ին կմ-ին իրար են բախվել «Օպել» և «Ֆորդ» մակնիշի ավտոմեքենաներ:
«Օպել»-ի ուղևորը վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 27-ին, ժամը 22-ի սահմաններում, «Օպել» մակնիշի ավտոմեքենան Վաղարշապատի Մաշտոցի փողոցի թիվ 28 շենքի դիմաց դուրս է եկել ճանապարհի երթևեկելի գոտուց և բախվել էլեկտրասյանն ու ծառին, ինչի հետևանքով վարորդը վնասվածքներով բուժօգնության է դիմել հիվանդանոց:
Կատարվում է քննություն:

***
Օգոստոսի 27-ին, ժամը 22-ին, Արմավիր-Երևան ճանապարհի 6-րդ կմ-ին իրար են բախվել «ՎԱԶ-21014» և «ԲՄՎ-520» մակնիշի ավտոմեքենաներ:
«ՎԱԶ-21014»-ի վարորդը և 2 ուղևորները վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 28-ին, ժամը 4-ի սահմաններում, «Մերսեդես Բենց Սպրինտեր» մակնիշի ավտոմեքենան Արարատի մարզի Լանջառ գյուղի հատվածում դուրս է եկել ճանապարհի երթևեկելի գոտուց և գլորվել ձորը, ինչի հետևանքով ուղևորը ստացել է մարմնական վնասվածք, բուժօգնություն է ստացել տեղում՝ հրաժարվելով հիվանդանոց տեղափոխվելուց:
Կատարվում է քննություն:

***
Օգոստոսի 28-ին, ժամը 00.25-ի սահմաններում, «Մերսեդես C 220» մակնիշի ավտոմեքենան Ճամբարակ-Թթուջուր ավտոճանապարհի 9-րդ կմ-ին հատվածում դուրս է եկել երթևեկելի գոտուց ձախակողմյան հատված և բախվել երկաթե պատնեշին, ինչի հետևանքով ուղևորը մարմնական վնասվածքով տեղափոխվել է հիվանդանոց:
Կատարվում է քննություն:

***
Օգոստոսի 28-ին, ժամը 22-ի սահմաններում, Ստեփանավան-Գյուլագարակ ճանապարհի 2-րդ կմ-ին իրար են բախվել «Օպել G» և «ՎԱԶ-21012» մակնիշի ավտոմեքենաներ:
«ՎԱԶ-21012»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Օգոստոսի 28-ին, ժամը 18.30-ի սահմաններում, «Օպել Վեկտրա» մակնիշի ավտոմեքենան Գյումրի-Հացիկ ճանապարհի 5-րդ կմ-ին շրջվել է, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 29-ին, ժամը 01.40-ի սահմաններում, «Տոյոտա Քեմրի» մակնիշի ավտոմեքենայի վարորդը Իջևանի Երևանյան փողոցում վրաերթի է ենթարկել 34-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն: