Պատահարներ Երևանում և հանրապետության ավտոճանապարհներին

Օգոստոսի 16-ին, ժամը 04.20-ին, «Հինո» մակնիշի ավտոմեքենան բախվել է մայթեզրին կայանված «ԳԱԶ-32213» մակնիշի միկրոավտոբուսի, որն էլ՝ «ԴԱՖ» բեռնատարի, վերջինս էլ՝ Իոսիֆյան փողոցի թիվ 24 տան պատին՝ քանդելով այն:
«Հինո»-ի վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 16-ին, ժամը 19.00-ին, «Օպել» մակնիշի ավտոմեքենան Երևանի Վշտունու և Ջանիբեկյան փողոցների խաչմերուկում բախվել է «ԲՄՎ» մակնիշի ավտոմեքենայի:
«ԲՄՎ»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 16-ին, ժամը 23.20-ին, «Օպել» մակնիշի ավտոմեքենայի վարորդը Երևանի Հալաբյան փողոցի թիվ 27 հասցեի մոտ վրաերթի է ենթարկել Լուսինե Ա.-ին, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 16-ին, ժամը 00.30-ին, Երևանի Միկոյան փողոցի թիվ 17 հասցեի մոտ իրար են բախվել «Օպել» և «ՎԱԶ-2106» մակնիշի ավտոմեքենաներ:
«ՎԱԶ-2106»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 16-ին, ժամը 10.30-ին, «Օպել» մակնիշի ավտոմեքենայի վարորդը Երևանի Թևոսյան փողոցի թիվ 6 հասցեի մոտ վրաերթի է ենթարկել 25-ամյա տղամարդու, որը մարմնական վնասվածքներով տեղափոխվել հիվանդանոց:
Կատարվում է քննություն:

***
Օգոստոսի 16-ին, ժամը 15.30-ին, «Օպել» մակնիշի ավտոմեքենան Երևանի Հ.Աճառյան և նույն փողոցի 2-րդ փակուղու խաչմերուկում բախվել է «Օպել» մակնիշի ավտոմեքենայի:
Վարորդներից մեկը մարմնական վնասվածքներով տեղափոխվել է հիվանդանոց:
Կատարվում է քննություն:

***
Օգոստոսի 16-ին, ժամը 21.00-ի սահմաններում, «ՎԱԶ-21013» մակնիշի ավտոմեքենան Արարատի մարզի Նորաշեն գյուղում վրաերթի է ենթարկել 1-ամյա տղայի և իր ավտոմեքենայով տեղափոխել նրան հիվանդանոց, ապա ներկայացել բաժին:
Կատարվում է քննություն:

***
Օգոստոսի 16-ին, ժամը 03.30-ի սահմաններում, «Օպել Վեկտրա» մակնիշի ավտոմեքենան Երևան-Երասխ ճանապարհի 4-րդ կմ-ին բախվել է բետոնե արգելապատնեշին և շրջվել, որից հետո հարվածել է ճանապարհի չշահագործվող հատվածում կայանված «Օպել Աստրա» մակնիշի ավտոմեքենային:
«Օպել Վեկտրա»-ի վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Օգոստոսի 17-ին, ժամը 00.40-ի սահմաններում, «Մերսեդես-Բենս S 500» մակնիշի ավտոմեքենան Երևան-Երասխ ճանապարհին՝ Այնթապ գյուղի հատվածում, բախվել է ավտոմայրուղու լայնքով որպես արգելապատնեշ ծառայող ավազակույտին, դրանից հետո բետոնե սյուներին, այնուհետև շինարարական աշխատանքների համար նախատեսված երկաթյա հարթակին ու կողաշրջելով կանգ առել:
Վարորդը և 2 ուղևորները տեղափոխվել են հիվանդանոց:
Կատարվում է քննություն:

***
Օգոստոսի 16-ին, ժամը 12.15-ին, Արթիկի Սակաձեի և Նարեկացու փողոցների խաչմերուկում իրար են բախվել «ԳԱԶ-3102» և «ՎԱԶ-2106» մակնիշի ավտոմեքենաներ:
«ՎԱԶ-2106»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն: