Ճանապարհատրանսպորտային պատահարներ մայրաքաղաքում. 29.01.2014

Հունվարի 29-ին, ժամը 13.00-ին, «Միցուբիշի-Կոլտ» մակնիշի ավտոմեքենայի վարորդը Երևանի Մաշտոցի պողոտայում վրաերթի է ենթարկել 55-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 29-ին, ժամը 19.30-ին, «ՎԱԶ-2105» ավտոմեքենայի վարորդը Չարենցի փողոցի թիվ 18 շենքի մոտ վրաերթի է ենթարկել 2 քաղաքացիների և իր ավտոմեքենայով նրանց տեղափոխել հիվանդանոց:
Կատարվում է քննություն:

***
Հունվարի 29-ին, ժամը 17.00-ին, «Միցուբիշի» մակնիշի ավտոմեքենան Երևանի Շիրազի փողոցում բախվել է էլեկտրասյանը:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 29-ին, ժամը 02.30-ի սահմաններում, «Մերսեդես-Բենց» մակնիշի ավտոմեքենան Երևանի Հր. Քոչարի փողոցի թիվ 19 շենքի մոտ բախվել է ճամփեզրին տեղադրված աղբարկղերին, դուրս եկել երթևեկելի մասից, բախվել ծառերին, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Ավտովթարի հետևանքով վնասվածքներ են ստացել նաև «Մերսեդես-Բենց»-ի 2 ուղևորները, որոնք նույն օրը բուժօգնության են դիմել հիվանդանոց:
Կատարվում է քննություն:

***
Հունվարի 29-ին, ժամը 13.30-ին, ոստիկանության Նոր Նորքի բաժնում հաղորդում է ստացվել, որ հիվանդանոց է դիմել 72-ամյա մի կին և հայտնել է, որ մարմնական վնասվածքը ստացել է հունվարի 20-ին, ժամը 10.00-ին, Երևանի Գյուրջյան փողոցից Նորք Մարաշ տանող ճանապարհի խաչմերուկում տեղի ունեցած 2 մեքենաների բախումից, որպես ուղևոր գտնվելով իրեն անհայտ մակնիշի և տաքսի ավտոմեքենայի սրահում:
Կատարվում է քննություն:

***
Հունվարի 29-ին, ժամը 15.30-ին, «Նիսան Պատֆայնդեր» մակնիշի ավտոմեքենան Երևանի Գայի պողոտայում բախվել է «Օպել-Աստրա» մակնիշի ավտոմեքենայի:
Պատահարի հետևանքով վարորդները մարմնական վնասվածքներով բուժօգնության են դիմել հիվանդանոց:
Կատարվում է քննություն: