Հրդեհի փաստով կատարվում է հետաքննություն

Մարտի 12-ին, ժամը 22.35-ին, ոստիկանության Արարատի բաժնում հաղորդում է ստացվել, որ Դաշտաքար գյուղից Խոսրովի արգելոց տանող ճանապարհահատվածում գտնվող «Քոթուզ» կոչվող սարում հրդեհ է:
Պարզվել է, որ նույն օրը, ժամը 17.00-ի սահմաններում, հրդեհը բռնկվել և տարածվել է «Խոսրովի անտառ պետական արգելոց»-ի Արտաշատի վարչական տարածքում գտնվող «Զանգլիկ» կոչվող հանդամասից:
Մարտի 13-ին, ժամը 01.00-ի սահմաններում, «Խոսրովի անտառ պետական արգելոց»-ի աշխատակիցների և Ուրցաձոր գյուղի բնակիչների համատեղ ջանքերով հրդեհը մարվել է:
Վնասի չափը պարզվում է:
Հանգամանքները պարզվում են:
Կատարվում է հետաքննություն: