Հերթական գրպանահատը բերման ենթարկվեց

Մարտի 26-ին, ժամը 20.40-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Կասյան փողոցից, գողություն կատարելու կասկածանքով, ոստիկանության Արաբկիրի բաժին բերման են ենթարկել 1994 թ. ծնված Մաթևոս Հ.-ին:
Պարզվել է, որ ժամը 20.25-ին Մաթևոս Հ.-ն թիվ 57 երթուղու ավտոբուսի սրահում մի կնոջ պայուսակից գողացել է դրամապանակ, որի մեջ եղել է 21.000 դրամ և նույնականացման քարտ:
Մաթևոս Հ.-ն տվել է խոստովանական բացատրություն և ներկայացրել է գողոնը:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: