Հերթական գրպանահատը հայտնվեց ոստիկանությունում

Ոստիկանության Էրեբունու բաժնում հաղորդում էր ստացվել, որ Երևանի Տիգրան Մեծի պողոտայի և Զավարյան փողոցի խաչմերուկում ՃՈ ծառայողներին է մոտեցել 1970 թ. ծնված Լյուբով Պ.-ն և հայտնել, որ թիվ 44 երթուղային ավտոբուսում իր պայուսակից գողացել են դրամապանակը, որի մեջ եղել է նույնականացման քարտ, վարորդական իրավունքի վկայական, սոց. քարտ, այցեքարտեր և մոտ 65.000 դրամ:
Ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, գողությունը կատարելու կասկածանքով, Ամիրյան փողոցի թիվ 2 հասցեից բերման են ենթարկել 1977 թ. ծնված Վահան Դ.-ին, ով տվել է խոստովանական բացատրություն:
Կատարվում է հետաքննություն: