Հեծանիվ էր գողացել ու բռնվել հերթական գողության փորձը կատարելիս

Սեպտեմբերի 21-ին, ժամը 05.10-ին, ոստիկանության Ավանի բաժանմունքի քրեական հետախույզները, օպերատիվ տվյալներն իրացնելով, համայնքային ոստիկանների հետ համատեղ միջոցառմամբ, գողություն կատարելու կասկածանքով բերման են ենթարկել 14-ամյա մի տղայի, որը խոստովանական բացատրություն է տվել, որ ժամը 04.50-ին փորձել է հեծանիվ գողանալ, սակայն իր կամքից անկախ հանգամանքներում հանցագործությունն ավարտին չի հասցրել:
Տղան հայտնել է նաև, որ 4 օր առաջ Ծարավ Աղբյուրի փողոցի ավտոկայանատեղիից գողացել է հեծանիվ։ Նա գողացված հեծանիվը ներկայացրել է ոստիկանության Ավանի բաժանմունքի ծառայողներին:
Ձեռնարկվում են միջոցառումներ տուժողին հայտնաբերելու ուղղությամբ:
Նախապատրաստվում են նյութեր: