Հարվածներ, սպառնալիքներ, վնասվածքներ

Հունիսի 15-ին, ժամը 18.20-ին, ոստիկանության Նոր Նորքի բաժնում հաղորդում է ստացվել, որ Գալշոյան փողոցի թիվ 50 շենքի բակում վիճաբանություն է:
Մեկնած օպերատիվ խումբը պարզել է, որ նշված շենքի բակում ոմն Աննա ձեռքերով և ոտքերով հարվածել է 2004 թ. ծնված Մաքսիմ Հ.-ի մարմնի տարբեր մասերին, իսկ ոմն Վարուժ ձեռքով հարվածել է Մաքսիմ Հ.-ի դեմքին և նրա պապիկ` 1940 թ. ծնված Դմիտրի Օ.-ի դեմքին ու մարմնի տարբեր մասերին` պատճառել վնասվածքներ և տվել սպանության սպառնալիքներ:
Ոստիկանության Երևան քաղաքի վարչության ծառայողների ձեռնարկած միջոցառումների շնորհիվ պարզվել է, որ Աննան 1982 թ. ծնված Աննա Ա.-ն է, իսկ Վարուժը` 1980 թ. ծնված Վարուժան Մ.-ն, որը հունիսի 17-ին, ժամը 21.00-ին, ներկայացել է բաժին և տվել հաղորդում, որ իրենց բակում Մաքսիմ Հ.-ն ոտքով հարվածել է իր որդուն` 2005 թ. ծնված Արմեն Մ.-ին և պատճառել ֆիզիկական ցավ, որից հետո նշված վայրում Դմիտրի Օ.-ն և 1970 թ. ծնված Աննա Օ.-ն ձեռքերով հարվածել են իր ձեռքերին և պատճառել ֆիզիկական ցավ:
Կատարվում է քննություն: