Հանդիպում ՀՀ ոստիկանությունում (ՏԵՍԱՆՅՈՒԹ)

Օգոստոսի 21-ին ոստիկանության շտաբի պետ, ոստիկանության գնդապետ Արմեն Ղուկասյանն ընդունեց ՆԱՏՕ-ի պաշտպանական կրթության զարգացման և բարեվարքության հարցերով պատվիրակությանը:
Արմեն Ղուկասյանը ողջունելով հյուրերին՝ կարևորեց Հայաստան-ՆԱՏՕ 2017-2019 թվականների անհատական գործընկերության գործողությունների ծրագրի շրջանակներում ՀՀ ոստիկանություն-ՆԱՏՕ համագործակցությունը:
Ոստիկանության շտաբի պետը ներկայացրեց նաև գործողությունների ծրագրով նախատեսված միջոցառումները, որոնք վերաբերում են մարդկանց շահագործման և կազմակերպված հանցավորության դեմ պայքարում Հայաստանի կարողությունների ընդլայնմանը:
Հյուրերը շնորհակալություն հայտնելով ջերմ ընդունելության համար՝ առաջարկություններ ներկայացրին բարեվարքության հարցերով մի շարք կրթական ծրագրեր իրականացնելու հնարավորության վերաբերյալ:
Հանդիպմանը քննարկվեցին փոխադարձ հետաքրքրություն ներկայացնող այլ հարցեր ևս: