ԼՐԱՑՎԱԾ. Կրակոցներ Էրեբունիում․ հանգամանքները պարզվում են (ՏԵՍԱՆՅՈՒԹ, ԼՈՒՍԱՆԿԱՐՆԵՐ)

Ոստիկանության տարբեր ստորաբաժանումների ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ հուլիսի 23-ին, ժամը 22.30-ին, «Էրեբունի» Բ/Կ-ի մոտ, վիճաբանության ժամանակ, երիտասարդին վնասվածքը պատճառել է 1988 թ. ծնված Արման Ա.-ն, որը տարված բացատրական աշխատանքի արդյունքում հուլիսի 24-ին, ժամը 22.10-ին ներկայացել է քննչական բաժին և տվել խոստովանական ցուցմունք: Արման Ա.-ն ներկայացրել է նաև հանցագործության գործիք գազային ատրճանակը:
Նախաքննությունը շարունակվում է:

24.07.2018, ժ.17:45

24.07.2018, ժ. 10:45

Հուլիսի 23-ին՝ ժամը 23.10-ին, «Էրեբունի» բժշկական կենտրոնից ոստիկանության Էրեբունու բաժին հաղորդում է ստացվել, որ «հրազենի վնասվածք, տրավմատիկ շոկ» ախտորոշմամբ բուժօգնության է տեղափոխվել 27-ամյա մի երիտասարդ։ Ահազանգով մեկնած ոստիկանության տարբեր ստորաբաժանումների ծառայողները պարզել են, որ Տիտոգրադյան փողոցում՝ «Էրեբունի» բժշկական կենտրոնի մոտակայքում, դեռևս անձը չպարզված մեկը, երիտասարդին հայհոյել, հարվածել, նաև հրազենով նրա ուղղությամբ մի քանի անգամ կրակել է։
Հայտնաբերվել է երեք պարկուճ։
Իրավապահները ձեռնարկում են համապատասխան միջոցառումներ հանցագործությունը կատարած անձի ինքնությունը պարզելու, նրան և հանցագործության գործիքը հայտնաբերելու ուղղությամբ։
Դեպքի առթիվ Էրեբունու քննչական բաժնում հարուցվել է քրեական գործ՝ խուլիգանության հատկանիշներով։