Հետախուզվողը Կիևից ժամանել է Երևան և ներկայացել ոստիկանություն

Ոստիկանության քրեական հետախուզության գլխավոր և Երևան քաղաքի վարչությունների ու Կենտրոնական բաժնի ծառայողների ձեռնարկած օպերատիվ-հետախուզական միջոցառումների և բացատրական աշխատանքների շնորհիվ նոյեմբերի 13-ին, ժամը 15.20-ին, Կիև-Երևան չվերթի ինքնաթիռի ժամանումից հետո «Զվարթնոց» օդանավակայանից կամավոր ոստիկանության Երևան քաղաքի վարչություն է ներկայացել 1984 թ. ծնված Միքայել Մ.-ն, որը 2014 թ. ապրիլի 23-ից ոստիկանության Երևան քաղաքի վարչության կողմից հետախուզվում էր ՀՀ քրեական օրենսգրքի 112 հոդվածի (դիտավորությամբ առողջությանը ծանր վնաս պատճառելը) 2-րդ մասի 9-րդ կետի և 235 հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասի մեղադրանքով: