Պաշտոնական Հայտարարություն Ուշադրություն Լրահոս Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Ոստիկանության ներքին իրավական ակտեր Նախագծեր Հանրային քննարկումներ
Եռամսյակ Կիսամյակ Տարի
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
Հետախուզվում են
Համարանիշերի ցանկ

ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ


20.01.2016 18:41

Ամփոփ տեղեկատվություն՝ ՀՀ ոստիկանության ծառայությունների և տարածքային մարմինների 2015 թ. օպերատիվ-ծառայողական գործունեության արդյունքների վերաբերյալ

Ամփոփ տեղեկատվություն՝ ՀՀ ոստիկանության ծառայությունների և տարածքային մարմինների 2015 թ. օպերատիվ-ծառայողական գործունեության արդյունքների վերաբերյալ

2015 թ. ընթացքում աշխատելով ծանրաբեռնված օրակարգով՝ պայմանավորված Հայոց Ցեղասպանության 100-րդ տարելիցի և ՀՀ Սահմանադրության փոփոխությունների հանրաքվեի միջոցառումների անցկացմամբ, ՀՀ ոստիկանությունը ողջ ծավալով կատարել է իր առջև դրված խնդիրները՝ օրենքով վերապահված լիազորությունների շրջանակներում հանրապետությունում վերահսկվել է օպերատիվ իրավիճակը, պահպանվել է կայուն հասարակական կարգն ու անվտանգությունը։
Հաշվետու տարում հանրապետությունում գրանցված հանցագործությունների ընդհանուր թվաքանակը նվազել է 503 դեպքով կամ 2,9%-ով (2014 թ.` 17546, 2015 թ.` 17043), ինչը հիմնականում պայմանավորված է դիտավորությամբ առողջությանը վնաս պատճառելու և բնակարանային գողությունների թվի նվազումով: Նվազել են նաև առանձնապես ծանր (173-165) և ծանր հանցագործությունները (3319-3238):
Առանձին հանցատեսակներով, նվազել են նաև սպանության, ավազակության, խարդախության, ճանապարհային երթևեկության կանոնները խախտելու և խուլիգանության դեպքերը:
Միևնույն ժամանակ, աճ է արձանագրվել սեռական անձեռնմխելիության դեմ ուղղված, կողոպուտի և տրանսպորտային միջոց փախցնելու դեպքերով:
Աճել է զենքի, ռազմամթերքի ապօրինի շրջանառության դեպքերի հայտնաբերումը (512-610): Ընդհանուր առմամբ, ձեռնարկված միջոցառումների արդյունքում՝ հաշվետու ժամանակահատվածում առգրավվել և բացատրական աշխատանքների շնորհիվ կամավոր ներկայացվել է 747 միավոր հրազեն և տարբեր տրամաչափի 88283 փամփուշտ:
Անչափահասների խմբերի կողմից կատարված հանցագործությունների թիվը նվազել է 22-ով կամ 44,0%-ով (50-28), իսկ վերջիններիս կողմից կատարված հանցագործությունների թիվը նվազել է 4-ով (389-ից 385):
Ներկայացնելով հանցագործությունների բացահայտման ուղղությամբ ոստիկանության մարմինների կողմից կատարված աշխատանքները, պետք է նշել, որ գրանցված հանցագործությունների բացահայտումը կազմել է 75,7% (2014 թ. 78,4%):
Հաշվետու ժամանակահատվածում ոստիկանության մարմինների կողմից հայտնաբերվել է թմրամիջոցների ապօրինի շրջանառության 926 հանցագործության դեպք, որից իրացման դեպքերը կազմել են 489:
Հայտնաբերվել է կոռուպցիոն բնույթի 616 հանցագործության դեպք: Կոռուպցիոն բնույթի հանցագործություններից 97-ը կաշառակերության դեպքեր են:
ՀՀ-ում գրանցվել է մարդկանց թրաֆիքինգի 8 դեպք:
Հաշվետու ժամանակաշրջանում ոստիկանության մարմինների կողմից հայտնաբերվել է քննությունից և դատից խուսափող 1719 հետախուզվող:
2015 թ. ընթացքում աճել է հետաքննության մարմնի ծանրաբեռնվածությունը: Ոստիկանության հետաքննության մարմինների կողմից նախապատրաստվել է 144867 նյութ (132783), հարուցվել է 628 (367) քրեական գործ, 14245 (11806) նյութով մերժվել է քրեական գործի հարուցումը:
Տարվա ընթացքում հանրապետությունում տեղի ունեցած զանգվածային միջոցառումների ժամանակ լուրջ ներդրում են ունեցել հասարակական կարգի պահպանման և հասարակական անվտանգության ոլորտում ընդգրկված ծառայություններն ու ոստիկանության զորքերը, որոնք պատշաճ կերպով կատարել են իրենց առջև դրված խնդիրները: Վերջիններս, համագործակցելով ոստիկանության այլ ստորաբաժանումների հետ, մասնակցել են հանրապետությունում անցկացված 4249 (3074) զանգվածային միջոցառման:
ՀՀ ոստիկանության «Ճանապարհային ոստիկանության» ծառայության կողմից զգալի կազմակերպչական և կանխարգելիչ աշխատանքներ են կատարվել ճանապարհային երթևեկության անվտանգության ապահովման ուղղությամբ: Հանրապետության տարածքում արձանագրվել է 3399 (3156) ճանապարհատրանսպորտային պատահար:
2015 թ. ընթացքում ՊՊԳՎ ստորաբաժանումների կողմից պայմանագրային հիմունքներով իրականացվել է 3937 օբյեկտի պահպանություն, որոնցից 318-ը քաղաքացիներին պատկանող բնակարաններ են:
Բնակչության շրջանում ոստիկանության նկատմամբ վստահության բարձրացման առումով ՀՀ ոստիկանությունը խիստ կարևորում է նաև յուրաքանչյուր ծառայողի կողմից օրինականության պահպանման խնդիրը:
Հաշվետու ժամանակաշրջանում ոստիկանության ծառայողների նկատմամբ կատարվել է 1584 ծառայողական քննություն, որի արդյունքում կարգապահական տույժի է ենթարկվել 920 ծառայող, 31 դեպքով հարուցվել է քրեական գործ, դատապարտվել է 12 անձ:
Ամփոփելով 2015 թ. ընթացքում կատարված աշխատանքները՝ ՀՀ ոստիկանության ղեկավարությունն ակնկալում է, որ ՀՀ ոստիկանության ծառայությունների և տարածքային մարմինների ղեկավարները կշարունակեն հետևողական աշխատանքը հանցավորության դեմ պայքարն առավել արդյունավետ կազմակերպելու, կատարողական և ծառայողական կարգապահությունն ամրապնդելու ուղղությամբ: