Խուզարկություններ` քրեական գործի շրջանակներում

Հունիսի 24-ին, ժամը 11.30-ին, ոստիկանության Վաղարշապատի բաժնի ծառայողները, մի քրեական գործի շրջանակներում, խուզարկություն են կատարել 1989 թ. ծնված Արամայիս Մ.-ի տանը և կից շինություններում, որտեղից հայտնաբերվել է 12 մմ տրամաչափի, «Կոբրա» տիպի ողորկափող հրազեն, «Բայկալ» տիպի օդամղիչ ատրճանակ, «Մակարով» տիպի օդամղիչ ատրճանակ, օդամղիչ ատրճանակի համար նախատեսված գազային 9 բալոն, օդամղիչ ատրճանակի 5 գնդակ, 9 մմ տրամաչափի 8 փամփուշտ, տարբեր տեսակի որսորդական 6 դանակ և 1 կռփազենք:
Հայտնաբերվածն ուղարկվել է փորձաքննության:
Կատարվում է նախաքննություն:

***
Նույն օրը, ժամը 12.00-ին, նույն բաժնի ծառայողները խուզարկություն են կատարել նաև 1980 թ. ծնված Արտյոմ Գ.-ի տանը և կից շինություններում, որտեղից հայտնաբերվել է տարբեր տրամաչափի 2 փամփուշտ, իսկ տնամերձ հողամասից` կանեփի 141 բույս և մարիխուանա թմրամիջոցի նմանվող 0.4 գ չոր զանգված:
Հայտնաբերվածն ուղարկվել է փորձաքննության:
Կատարվում է նախաքննություն: