ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
27.05.2019 13:32
Ոստիկանները բացահայտել են ժամացույցների գողության դեպքերը
![Ոստիկանները բացահայտել են ժամացույցների գողության դեպքերը Ոստիկանները բացահայտել են ժամացույցների գողության դեպքերը](/resources/police/img/news/big/1558949587,0359.jpeg)
2018 թ. hոկտեմբերի 1-ին հաղորդում էր ստացվել, որ օրեր առաջ մայրաքաղաքի կենտրոնում գտնվող ժամացույցների խանութ-սրահից անհայտ անձը գողացել է «Քասյո» ապրանքանիշի ժամացույց: Նույն խանութից մի ահազանգ էլ ստացվել է այս տարվա հունվարի 14-ին: Խանութի տեսահսկող սարքերի տեսագրությունների ուսումնասիրությամբ պարզել էին, որ անցած տարվա դեկտեմբերի 23-ին անհայտ անձը գողացել է նույն տեսակի ժամացույց՝ պատճառելով 208 հազար դրամի վնաս:
Մայիսի 25-ին ոստիկանության Երևան քաղաքի վարչության ՊՊԾ գնդի ծառայողները Հյուսիսային պողոտայից, գողություն կատարելու կասկածանքով, բերման են ենթարկել մոտակա գյուղերից մեկի բնակիչ 38-ամյա մի տղամարդու և մի կնոջ:
Ձեռնարկված միջոցառումների շնորհիվ պարզվել է, որ նշված գողությունները կատարել են վերջիններս: Նրանք տվել են խոստովանական բացատրություն:
Ձեռնարկվում են միջոցառումներ գողոնները հայտնաբերելու ուղղությամբ:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: