Խուզարկություն ազգականի բնակարանում

2015 թ. դեկտեմբերի 25-ին հաղորդվել էր ապօրինի թմրամիջոց պահելու և իրացնելու, ինչպես և գողություն կատարելու կասկածանքներով 1971 թ. ծնված Մեսրոպ Հ.-ին, 1982 թ. ծնված Արմեն Կ.-ին, 1971 թ. ծնված Արման Պ.-ին և 1992 թ. ծնված Տիգրան Բ.-ին ոստիկանություն բերման ենթարկելու մասին:
Հունվարի 12-ին ոստիկանության Նոր Նորքի և Արաբկիրի բաժինների ծառայողները, Ավան և Նոր Նորք վարչական շրջանների ընդհանուր իրավասության դատարանի որոշմամբ, խուզարկություն են կատարել Արմեն Կ.-ի ազգականի` 1969 թ. ծնված Ռոզա Ա.-ի բնակարանում, որտեղից հայտնաբերվել և առգրավվել է 7.62 մմ տրամաչափի 5 և 12 տրամաչափի որսորդական 9 փամփուշտ:
Նշանակվել է դատաձգաբանական փորձաքննություն:
Կատարվում է քննություն: