ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
19.02.2018 17:16
Ընդունելություն ոստիկանության Վայոց ձորի մարզային վարչությունում (ՏԵՍԱՆՅՈՒԹ, ԼՈՒՍԱՆԿԱՐՆԵՐ)
Փետրվարի 16-ին ոստիկանության Վայոց ձորի մարզային վարչությունում տեղի ունեցավ մարզի բնակչության ընդունելություն, որը, ոստիկանության պետի անունից, իրականացրեց ոստիկանության պետի աշխատակազմի ղեկավար Մերուժան Հակոբյանը: Քաղաքացիների հարցադրումները և՛ ոստիկանության իրավասության շրջանակում էին, և՝ դրանից դուրս: Շատերի հարցերը վերաբերվում էին անշարժ գույքի տիրապետման հետ կապված վեճերին, որոնք արդեն քննվել են հետաքննական, նախաքննական ու դատական մարմիններում։ Նրանց պարզաբանվեցին բողոքարկման օրինական հիմքերը, ժամկետներն ու ընթացակարգը: Քաղաքացիների մի մասն էլ ցանկանում էր ծառայության անցնել ոստիկանության համակարգում: Նրանց ներկայացվեց ընդունելության կարգը: Ներկայացվեցին խնդիրներ, որոնց լուծումը տեղական ինքնակառավարման և այլ մարմինների գործառույթների շրջանակում է։ Ոստիկանության Վայոց ձորի մարզային վարչության ղեկավարությանը հանձնարարվեց ուսումնասիրել քաղաքացիների խնդիրները և հնարավորինս աջակցել դրանց արագ լուծմանը՝ անկախ իրավասության շրջանակից։
