Զենք-զինամթերքի կամավոր հանձնումը շարունակվում է

«Հետախուզում-2018» օպերատիվ-կանխարգելիչ միջոցառման շրջանակներում հունիսի 16-ին, ժամը 16.00-ին, Չարբախի բաժանմունքի ծառայողների բացատրական աշխատանքների շնորհիվ 1976 թ. ծնված Արամ Գ.-ն կամավոր հանձնել է «ՌԳ 42» տեսակի նռնակ՝ առանց պայթուցիչի և 5,45 մմ տրամաչափի 32 փամփուշտ ու հայտնել, որ հայտնաբերվածը պատկանել է Արցախյան ազատամարտի մասնակից, հանգուցյալ հորը:

***

«Հետախուզում-2018» օպերատիվ-կանխարգելիչ միջոցառման շրջանակներում ոստիկանության Ստեփանավանի բաժնի ծառայողների բացատրական աշխատանքների շնորհիվ հունիսի 16-ին, ժամը 18.15-ին, 1960 թ. ծնված Աշոտ Զ.-ն կամավոր հանձնել է «Ռոբուստ» տիպի 12 մմ տրամաչափի, ողորկափող, երկփողանի որսորդական հրացան և հայտնել, որ այն պատկանել է հորեղբոր որդուն (մահացել է 2005 թ.), իսկ նրա մահից հետո որպես հիշատակ, պահել է իրենց տան ննջասենյակի պահարանում:

***

Ոստիկանության Դիլիջանի բաժնի ծառայողների բացատրական աշխատանքների շնորհիվ հունիսի 16-ին, ժամը 15.25-ին, 1985 թ. ծնված Արմեն Մ.-ն կամավոր հանձնել է «SՕԶ» տիպի, 5.6 մմ տրամաչափի, ակոսափող որսորդական հրացան, 1 նռնակ՝ առանց պայթուցիչի, 7.62 մմ տրամաչափի 57 փամփուշտ և հայտնել, որ նշվածը պատկանել է հանգուցյալ հորը, ով ձեռք էր բերել 1992-1994թթ. հայ-ադրբեջանական հակամարտության ժամանակ: