Բնակարանագողերը ձերբակալվեցին

Փետրվարի 27-ին, ժամը 23.55-ին, ոստիկանության Դիլիջանի բաժնի ծառայողները, գողություն կատարելու կասկածանքով, բերման են ենթարկել 1996 թ. ծնված Վահե Ս.-ին, 1996 թ. ծնված Ալիկ Հ.-ին և 1998 թ. ծնված Դավիթ Ս.-ին, որտեղ Վահե Ս.-ն բացատրություն է տվել, որ փետրվարի 27-ին, ժամը 21.00-ի սահմաններում, Ալիկ Հ.-ի քեռու զոքանչի տնից կատարել են գողություն:
Փետրվարի 28-ին, ժամը 01.30-ին, 1989 թ. ծնված Հովհաննես Դ.-ն հաղորդում է տվել, որ պատուհանի ապակին հանելու միջոցով մուտք են գործել իր կնոջ մորը` 1955 թ. ծնված Թինա Գ.-ին պատկանող, իր վստահությանը հանձնված, Հակոբջանյան փողոցում գտնվող տուն և գողացել էլեկտրական գործիքներ և այլ ապրանքներ:
Պատճառված վնասի չափը պարզվում է:
Գողոնն առգրավված է:
Վահե Ս.-ն, Ալիկ Հ.-ն և Դավիթ Ս.-ն ձերբակալված են:
Կատարվում է քննություն: