Գողություն Լուսակունքի մթերային խանութից. կա ձերբակալված անձ

Հունիսի 3-ին, ժամը 02.30-ին, ոստիկանության Վարդենիսի բաժին ահազանգ է ստացվել, որ Լուսակունք գյուղի մթերային խանութ գող է մտել:
Ժամը 04.30-ին հիշյալ խանութից, գողություն կատարելու կասկածանքով, ոստիկանության ծառայողները բերման են ենթարկել 37-ամյա տղամարդու, ում մարմնի վրա հայտնաբերվել են վնասվածքներ. նրան ցուցաբերվել է բուժօգնություն:
Ժամը 05.00-ին 33-ամյա տղամարդուց ոստիկանությունում հաղորդում է ընդունվել, որ նույն օրը, ժամը 02.20-ի սահմաններում, նկատել են, որ իրենց պատկանող խանութի դիմացի պատուհանի երկաթյա փեղկը բաց է, կախովի փականը բացակայում է, իսկ ապակին կոտրված է և ներսում մարդ կա, ով առարկաներ է նետել իր ուղղությամբ, փորձել է պատուհանից փախչել, որից հետո ինքը բահով հարվածել է վերջինիս թիկունքին և փակել պատուհանը:
Բերման ենթարկվածը ձերբակալվել է:
Կատարվում է քննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: