ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
17.05.2019 16:49
Գողացել էին գումար և վարսահարդարման պարագաներ. հանցագործությունը բացահայտվել է
![Գողացել էին գումար և վարսահարդարման պարագաներ. հանցագործությունը բացահայտվել է Գողացել էին գումար և վարսահարդարման պարագաներ. հանցագործությունը բացահայտվել է](/resources/police/img/news/big/1558097448,7143.jpeg)
Մայիսի 10-ին, ժամը 10.33-ին, ոստիկանության Կենտրոնական բաժին հաղորդում էր ստացվել, որ Մաշտոցի պողոտայում գտնվող խանութից կատարվել է գողություն:
Մեկնած օպերատիվ խումբը պարզել էր, որ նույն օրը, ժամը 03.30-ից մինչև ժամը 03.50-ն ընկած ժամանակահատվածում, տեխնիկական միջոցների գործադրմամբ մուտքի դուռը բացելով՝ Մաշտոցի պողոտայի 18 հասցեում գործող խանութից գողացել են գումար և վարսահարդարման պարագաներ:
Ոստիկանության քրեական հետախուզության գլխավոր վարչության և Կենտրոնական բաժնի ծառայողները, իրացնելով օպերատիվ տեղեկությունները, պարզել են, որ հանցագործությունը կատարել է 2000 թ. ծնված Հայկ Հ.-ն, որը մայիսի 16-ին Կիևյան փողոցից բերման է ենթարկվել բաժին և տվել խոստովանական ցուցմունք:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: