Ոստիկանները բացահայտել են Էջմիածնում կատարված բնակարանային գողությունը (ՏԵՍԱՆՅՈՒԹ)

Ոստիկանության Վաղարշապատի բաժնում տեղեկություններ էին ստացվել, որ Էջմիածնի Չարենցի փողոցի 17-ամյա մի բնակիչ բնակարանային գողություն է կատարել: Ձեռք բերված տեղեկությունների իսկությունը ստուգելուց հետո հոկտեմբերի 21-ին, ժամը 18.30-ի սահմաններում, քրեական հետախույզները օպերատիվ տվյալներն իրացնելով` կասկածվողին բերման ենթարկեցին ոստիկանության Վաղարշապատի բաժին:
Պարզվել է, որ նա հոկտեմբերի 18-ին, ժամը 19-ի սահմաններում, տեխնիկական միջոցների գործադրմամբ կոտրել է Չարենցի փողոցի տներից մեկի դռան փականը և բնակարանից հափշտակել հեռուստացույց` տանտիրոջը պատճառելով մոտ 250 հազար դրամի գույքային վնաս:
Տուժողից ընդունվել է հաղորդում:
Հանգամանքները պարզվում են:
Միջոցառումներ են ձեռնարկվում գողոնը հայտնաբերելու ուղղությամբ:
Նախապատրաստված նյութերն ուղարկվել են Վաղարշապատի քննչական բաժին: