Բացատրական աշխատանքի շնորհիվ ոստիկանություն է ներկայացել 11 հետախուզվող

Ոստիկանության Կենտրոնական բաժնի ծառայողների ձեռնարկած միջոցառումների և բացատրական աշխատանքների շնորհիվ հունվարի 26-ին, ժամը 17.00-ին, կամավոր բաժին է ներկայացել 1978 թ. ծնված Կարեն Ի.-ն, որը 2018թ. հուլիսի 4-ից հետախուզվում էր ՀՀ քրեական օրենսգրքի 178 հոդվածի (խարդախությունը) 1-ին մասի մեղադրանքով:

***

Ոստիկանության Շենգավիթի բաժնի ծառայողների բացատրական աշխատանքների շնորհիվ հունվարի 27-ին, ժամը 02.25-ին, կամավոր բաժին է ներկայացել 1991 թ. ծնված Գարիկ Մ.-ն, որը 2013թ. փետրվարի 8-ից հետախուզվում էր ՀՀ քրեական օրենսգրքի 377 հոդվածի (մեքենաներ վարելու կամ շահագործելու կանոնները խախտելը) 2-րդ մասի մեղադրանքով:

***

Ոստիկանության Էրեբունու բաժնի ծառայողների բացատրական աշխատանքների շնորհիվ հունվարի 26-ին, ժամը 14.00-ին, կամավոր բաժին է ներկայացել 1980 թ. ծնված Վիգեն Հ.-ն, որը հունվարի 23-ից հետախուզվում էր ՀՀ քրեական օրենսգրքի 178 հոդվածի (խարդախությունը) 2-րդ մասի 1-ին և 2-րդ կետերի մեղադրանքով:
Պարզվել է, որ 2008 թ. նոյեմբերի 3-ից Վիգեն Հ.-ն հետախուզվում էր նաև ՌԴ Կրասնոյարսկի երկրամասի ՆԳԲ-ի կողմից ՌԴ քրեական օրենսգրքի 264 հոդվածի 2-րդ մասի մեղադրանքով:

***

Ոստիկանության Արտաշատի բաժնի ծառայողների ձեռնարկած միջոցառումների և տարված բացատրական աշխատանքների շնորհիվ հունվարի 26-ին, ժամը 15.20-ին, կամավոր բաժին է ներկայացել 1965 թ. ծնված Գագիկ Ս.-ն, որը 2018թ. հոկտեմբերի 23-ից Արտաշատի բաժնի կողմից հետախուզվում էր ՀՀ քրեական օրենսգրքի 178 հոդվածի (խարդախությունը) 2-րդ մասի 2-րդ կետի մեղադրանքով:


***

Ոստիկանության Մասիսի բաժնի ծառայողների բացատրական աշխատանքների արդյունքում հունվարի 26-ին, ժամը 06.15-ին, Մոսկվա-Երևան չվերթով ինքնակամ ՀՀ է վերադարձել 1983 թ. ծնված Բաբկեն Բ.-ն, որը 2017թ. հոկտոմբերի 28-ից հետախուզվում էր ՀՀ քրեական օրենսգրքի 179 հոդվածի (յուրացնելը կամ վատնելը) 2-րդ մասի 3-րդ կետի մեղադրանքով պատժի կրումից խուսափելու համար:

***

Ոստիկանության Բազումի բաժնի ծառայողների բացատրական աշխատանքների շնորհիվ հունվարի 26-ին, ժամը 12.00-ին, բաժին է կամավոր ներկայացել 1978 թ. ծնված Արկադի Կ.-ն, որը 2015թ-ի ապրիլի 6-ից ՌԴ ՆԳՆ Թաթարստանի Հանրապետության Ազնակաևոյի ոստիկանության բաժնի կողմից հետախուզվում էր ՌԴ քրեական օրենսգրքի 111 հոդվածի (միջին ծանրության մարմնական վնասվածք հասցնելը) 1-ին մասի մեղադրանքով:

***

Ոստիկանության Կենտրոնական բաժնի ծառայողների կողմից անցկացված բացատրական աշխատանքների շնորհիվ հունվարի 28-ին, ժամը 16.00-ին, կամավոր բաժին է ներկայացել 1986 թ. ծնված Հրաչյա Գ.-ն, որը 2018թ. դեկտեմբերի 28-ից հետախուզվում էր ՀՀ քրեական օրենսգրքի 184 հոդվածի 1-ին մասի մեղադրանքով:

***

Ոստիկանության Շենգավիթի բաժնի ծառայողների բացատրական աշխատանքների շնորհիվ հունվարի 28-ին, ժամը 06.45-ին, կամավոր բաժին է ներկայացել 1983 թ. ծնված Արթուր Խ.-ն, որը 2012թ. հոկտեմբերի 10-ից հետախուզվում էր ՀՀ քրեական օրենսգրքի 34-176 հոդվածի (կողոպուտի փորձը) 2-րդ մասի 4-րդ կետի մեղադրանքով:

***

Ոստիկանության Արմավիրի բաժնի ծառայողների բացատրական աշխատանքների շնորհիվ, հունվարի 28-ին, ժամը 20.10-ին, Կրասնոդար-Երևան չվերթի ինքնաթիռով կամավոր ՀՀ է ժամանել 1974 թ. ծնված Վարդուշ Ե.-ն, որը 2014թ. դեկտեմբերի 4-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 178 հոդվածի (խարդախությունը) 2-րդ մասի 2-րդ կետի մեղադրանքով:

***

Ոստիկանության Գավառի բաժնի ծառայողների բացատրական աշխատանքների շնորհիվ հունվարի 28-ին, ժամը 03.35-ին, Մինսկ-Երևան չվերթով ՀՀ է ժամանել 1979 թ. ծնված Արմեն Ս.-ն, որը 2017թ. մայիսի 31-ից հետախուզվում էր ՀՀ քրեական օրենսգրքի 214 հոդվածի 2-րդ մասի, 325 հոդվածի (փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) 1-ին մասի և 184 հոդվածի (գույքային վնաս պատճառելը խաբեության կամ վստահությունը չարաշահելու եղանակով) 2-րդ մասի մեղադրանքներով:

***

Ոստիկանության Կոտայքի բաժնի ծառայողների բացատրական աշխատանքների շնորհիվ հունվարի 29-ին, ժամը 02.50-ին, Կիև-Երևան չվերթի ինքնաթիռի ժամանումից հետո կամավոր բաժին է ներկայացել Իտալիայի Հանրապետության քաղաքացի, 1962 թ. ծնված Ֆիլիպպո Դ.-ն, որը 2018թ. դեկտեմբերի 28-ից ոստիկանության Կոտայքի բաժնի կողմից հետախուզվում էր ՀՀ քրեական օրենսգրքի 34-312 հոդվածի (կաշառք տալու փորձը) 3-րդ մասի 1-ին կետի մեղադրանքով: