Բախվել է գազատար խողովակի. «ԳԱԶել» է այրվել

Հոկտեմբերի 22-ին, ժամը 16.50-ին, ոստիկանության Երևան քաղաքի վարչությունից հաղորդում է ստացվել, որ Ռանչպար-Սիս գյուղերի խաչմերուկում գազատարի արտահոսքից «ԳԱԶել»  մակնիշի ավտոմեքենա է  բռնկվել և այրվում է:
Պարզվել է, որ «Նիվա»  մակնիշի ավտոմեքենա է դուրս  եկել երթևեկելի մասից և բախվել գազատար խողովակին, այն վայր գցել հենակետից, ինչի պատճառով գազի արտահոսք է տեղի ունեցել և, միևնույն ժամանակ, նշված վայրով երթևեկող   «ԳԱԶել»  մակնիշի ատոմեքենայում հրդեհ է բռնկվել:
Հրդեհը մարվել է նույն օրը, ժամը 17.01-ին, 1 մարտական հաշվարկի ուժերով:
Կատարվում է հետաքննություն: