ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
15.07.2019 13:36
Արտաշատի ոստիկանները բացահայտել են թունաքիմիկատների պահեստից կատարված գողության դեպքը
![Արտաշատի ոստիկանները բացահայտել են թունաքիմիկատների պահեստից կատարված գողության դեպքը Արտաշատի ոստիկանները բացահայտել են թունաքիմիկատների պահեստից կատարված գողության դեպքը](/resources/police/img/news/big/1563183531,608.jpeg)
Հուլիսի 13-ին, ժամը 12.00-ին, մի քաղաքացի բանավոր հաղորդում է տվել ոստիկանության Արտաշատի բաժնում, որ հուլիսի 12-ի ժամը 18.00-ից հուլիսի 13-ի ժամը 09.00-ն ընկած ժամանակահատվածում, տեխնիկական միջոցների գործադրմամբ բացել են Արտաշատ քաղաքի Գարեգին Նժդեհի փողոցում գտնվող պահեստի տանիքի մետաղյա թիթեղը և գողացել 26 արկղ թունաքիմիկատ՝ պատճառելով 1.082.000 դրամի վնաս:
Արտաշատի քրեական հետախույզների ձեռնարկած օպերատիվ-հետախուզական միջոցառումների շնորհիվ տեղեկություններ են ստացվել, որ գողությունը կատարել են Արտաշատի 16 և 26-ամյա բնակիչներ։
Բացատրական աշխատանքների շնորհիվ, նույն օրը երկուսն էլ բաժին են ներկայացել և տվել խոստովանական բացատրություն։
Գողոնը հայտնաբերվել է:
Նախապատրաստվում են նյութեր: