Արագածում ավտոմեքենաներից էլեկտրական մարտկոցներ է գողացել

Սեպտեմբերի 5-ին, ժամը 11.30-ին, ոստիկանության Ապարանի բաժնի ծառայողները Աշտարակ քաղաքի Երևանյան փողոցից, գողություն կատարելու կասկածանքով, բերման էին ենթարկել Բյուրական գյուղի 53-ամյա մի բնակչի: Նա տվել էր խոստովանական բացատրություն, որ օգոստոս ամսվա ընթացքում Ապարան քաղաքում և Արագած գյուղում հինգ ավտոմեքենաներից էլեկտրական մարտկոցներ է գողացել:
Ոստիկանության Ապարանի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ 53-ամյա տղամարդը օգոստոսի 12-ի ժամը 23.00-ից մինչև օգոստոսի 13-ի ժամը 09.00-ն ընկած ժամանակահատվածում, օգտվելով Արագած գյուղի 2-րդ փողոցի տներից մեկի բակում կայանված «ՎԱԶ-2107» մակնիշի ավտոմեքենայի դռան բաց լինելու հանգամանքից, գողացել է էլեկտրական մարտկոցը: Օգոստոսի 13-ի ժամը 23.00-ից օգոստոսի 14-ի ժամը 08.00-ն ընկած ժամանակահատվածում նա Արագած գյուղի մեկ այլ բնակչի «ՎԱԶ-2106» մակնիշի ավտոմեքենայից է գողացել էլեկտրական մարտկոցը:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: