Ավտոմեքենաներից կատարված գողությունները բացահայտվեցին

Սեպտեմբերի 30-ին, ժամը 05.45-ին, ոստիկանության Մալաթիայի բաժին է զանգել մի տղամարդ և հայտնել, որ սեպտեմբերի 29-ի ժամը 19.00-ից սեպտեմբերի 30-ի ժամը 05.40-ն ընկած ժամանակահատվածում, տեխնիկական միջոցների գործադրմամբ շարժիչի կափարիչը բացելով, գողացել են Անդրանիկի փողոցի բակերից մեկում կայանված իր «ՎԱԶ-2107» մակնիշի ավտոմեքենայի մարտկոցը՝ պատճառելով 30 հազար դրամի վնաս:
Ոստիկանության ծառայողները, իրացնելով օպերատիվ տվյալները, ժամը 11.30-ին Մելիքյան և Տիչինայի փողոցների խաչմերուկից բերման են ենթարկել 52-ամյա տղամարդու, որը տվել է խոստովանական բացատրություն:
Պարզվել է նաև, որ 52-ամյա տղամարդը սեպտեմբերի 24-ի ժամը 20.00-ից մինչև սեպտեմբերի 25-ի ժամը 07.45-ն ընկած ժամանակահատվածում, նույն եղանակով գողացել էր Իսակովի պողոտայի շենքերից մեկի բակում կայանված «ՎԱԶ-2110» մակնիշի ավտոմեքենայի մարտկոցը:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: