ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
21.05.2019 13:09
Ավտոմասերի գողություններ. Քանաքեռ-Զեյթունի ոստիկանների բացահայտումը
Մայիսի 20-ին, օպերատիվ տվյալներն իրացնելով, Քանաքեռ-Զեյթունի քրեական հետախույզները գողություն կատարելու կասկածանքով բերման են ենթարկել 41-ամյա Գևորգ Ն.-ին:
Պարզվել է, որ նա ապրիլ ամսվա վերջերին գողացել է Մ. Ավետիսյան փողոցի մի բակում կայանված «Մերսեդեսի» դիմապակու զույգ խոզանակները:
Բերման ենթարկվածը հայտնել է, որ Քանաքեռ-Զեյթունի վարչական տարածքում ապրիլին կատարել է այլ գողություններ ևս: Մասնավորապես, տեխնիկական միջոցների գործադրմամբ շարժիչի ծածկոցը բացելու միջոցով գողացել է Ռուբինյանց փողոցի մի բակում կայանված «ՎԱԶ-2121-ի» մարտկոցը, Գոգոլի փողոցի մի բակում կայանված «Մերսեդեսի» դիմապակու խոզանակները, նույն փողոցում՝ «ԲՄՎ-ի» անձրևապաշպան պլաստիկ մասերը:
Ձեռնարկվում են միջոցառումներ բոլոր դեպքերով գողոնը հայտնաբերելու ուղղությամբ:
Գևորգ Ն.-ն բաց է թողնվել: Նախապատրաստվում են նյութեր:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
