ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
10.06.2019 13:06
Աշտարակի ոստիկանների բացահայտումը
![Աշտարակի ոստիկանների բացահայտումը Աշտարակի ոստիկանների բացահայտումը](/resources/police/img/news/big/1560157721,6604.jpeg)
Հունիսի 8-ին ժ.14-55-ին ոստիկանություն է զանգահարել մի անհատ ձեռնարկատեր և հայտնել, որ Աշտարակի Վ. Պետրոսյան փողոցում գտնվող դեղատան սեղանից իր բջջային հեռախոսը տարել են:
Ոստիկանության Աշտարակի բաժնի անչափահասների գործերով և ընտանիքում բռնության կանխարգելման բաժանմունքում ստացված օպերատիվ տվյալներն իրացվել են նույն բաժնի քրեական հետախուզության բաժանմունքի ծառայողների հետ համատեղ: Ձեռնարկված օպերատիվ-հետախուզական միջոցառումների արդյունքում նույն օրը, ժամը 15.50-ին, գողություն կատարելու կասկածանքով բերման է ենթարկվել Կապան քաղաքի 56-ամյա մի բնակիչ: Նրա անձնական խուզարկությամբ տաբատի գրպանից հայտնաբերվել է «Նոկիա» մոդելի բջջային հեռախոս, իսկ վերնաշապիկի տակից՝ օղի: Տղամարդը տվել է խոստովանական բացատրություն, որ բջջային հեռախոսը գողացել է դեղատանից, իսկ օղին՝ Աշտարակի խանութներից մեկից:
Կապանցին նաև պատմել է, որ մայիսին Աշտարակի մեկ այլ խանութից գողացել է մեկ շիշ «Բելուգա» տեսակի օղի, մեկ այլ դեղատանից՝ երկու ակնոց, իսկ հունիսի 3-ին, Աշտարակի շուկայի տարածքում գտնվող բջջային հեռախոսների վերանորոգման կետից՝ բջջային հեռախոս:
Նախապատրաստվում են նյութեր:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: