Աշխատանքի հրավեր ոստիկանության կապի և տեղեկատվական տեխնոլոգիաների վարչությունում

ՀՀ ոստիկանության կապի և տեղեկատվական տեխնոլոգիաների վարչությունում սպայական պաշտոնում ծառայության անցնելու համար պահանջվում են մասնագետներ։
Պահանջվող որակավորումը.
- մինչև 40 տարեկան ՀՀ քաղաքացի, ով անցել է պարտադիր զինվորական ծառայություն (բացառությամբ՝ «Զինապարտության մասին» ՀՀ օրենքի 12-րդ հոդվածի 1-ին մասի «բ»-«ե» կետերով, 13-րդ հոդվածի 4-րդ մասով նախատեսված դեպքերի),
- բարձրագույն տեխնիկական կրթություն,
- առնվազն 2 տարվա աշխատանքային փորձ կապի և տեղեկատվական տեխնոլոգիաների ոլորտում,
- ՏՏ ոլորտում հիմնարար և ինժեներական մասնագիտական գիտելիքների իմացություն,
- տեխնիկական փաստաթղթերի հետ աշխատելու փորձ,
- նախաձեռնությամբ հանդես գալու կարողություն,
- որոշում կայացնելու և կազմակերպչական հմտություններ։
Ցանկացողներին խնդրվում է զանգահարել 010596200, 010596051 հեռախոսահամարներով կամ ներկայացնել ինքնակենսագրություն (ռեզյումե) kap@police.am էլեկտրոնային հասցեով, կամ անձնագրով, զինվորական գրքույկով և կրթության մասին պետական նմուշի ավարտական փաստաթղթով ներկայանալ ՀՀ ոստիկանության կապի և տեղեկատվական տեխնոլոգիաների վարչություն (հասցե՝ ք․ Երևան Նալբանդյան 130), յուրաքանչյուր աշխատանքային օր՝ ժամը 9։00-ից 17։00-ն։