Անասնագողությունը բացահայտվեց

Հունիսի 27-ին, ժամը 14.30-ին, մի նախրապահ ոստիկանության Արթիկի բաժնում հաղորդում է տվել, որ մոտ մեկ շաբաթ առաջ Արթիկ քաղաքի Տուֆագործների թիվ 14 հասցեի հարակից դաշտերում անասուներ արածեցնելու ժամանակ, իրեն անհայտ հանգամանքներում, 1973 թ. ծնված Ալեքսան Խ.-ն և նրա կնոջ քույրը` 1974 թ. ծնված Յուղաբեր Հ.-ն, գողացել են 2 գլուխ խոշոր եղջերավոր անասուն և վաճառել Արագածոտնի մարզի Գեղադիր գյուղի բնակիչ ոմն Ալեքսանի` պատճառելով 350.000 դրամի նյութական վնաս:
Գողության մասին նախկինում ոստիկանություն չի հայտնվել:
ՁԵռնարկված միջոցառումների շնորհիվ պարզվել է, որ հունիսի 22-ին, ժամը 03.00-ի սահմաններում, 2 գլուխ անասունը գողացել է Ալեքսան Խ.-ն և 280.000 դրամով վաճառել 1994 թ. ծնված Արման Գ.-ին:
Գողոնը հայտնաբերվել է:
Կատարվում է հետաքննություն: