Այսօր մայրաքաղաքում և հանրապետության ավտոճանապարհներին տեղի ունեցած պատահարներ

Ապրիլի 15-ին, ժամը 09.00-ին, Երևանի Ծովակալ Իսակովի պողոտայի և Բաբաջանյան փողոցի խաչմերուկում իրար են բախվել «Նիսան Մարչ» և «Մերսեդես-Բենց Ց-180» մակնիշի ավտոմեքենաներ:
«Մերսեդես-Բենց Ց-180»-ի 2 ուղևորուհիները մարմնական վնասվածքներով տեղափոխվել են հիվանդանոց:
Կատարվում է քննություն:

***
Ապրիլի 15-ին, ժամը 11.30-ի սահմաններում, Երևան-Իջևան ճանապարհի 72-րդ կմ-ին «ՎԱԶ-2107» մակնիշի ավտոմեքենա է բախվել «ԿրԱԶ» մակնիշի ավտոմեքենայի:
«ՎԱԶ-2107»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Ապրիլի 15-ին, ժամը 09.40-ի սահմաններում, Երևան-Սևան ճանապարհի 38-րդ կմ-ին իրար են բախվել «Տոյոտա» և «Ֆոլքսվագեն» մակնիշի ավտոմեքենաներ:
«Տոյոտա»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Ապրիլի 15-ին, ժամը 10.00-ի սահմաններում, «Օպել Աստրա» մակնիշի ավտոմեքենայի վարորդը Գյումրիի Գորկու փողոցի թիվ 68 շենքի դիմաց վրաերթի է ենթարկել 84-ամյա տղամարդու և նրան տեղափոխել հիվանդանոց:
Կատարվում է քննություն: