«Օպել Աստրա Ջ»-ից գողություն կատարողներին հայտնաբերեցին

Նոյեմբերի 5-ին, ժամը 11.55-ին, 1996 թ. ծնված Նարեկ Մ.-ից ոստիկանության Արաբկիրի բաժնում ահազանգ է ստացվել, որ իրենց շենքի բակում կայանված իր ավտոմեքենայից գողություն է կատարվել:
Պարզվել է, որ նույն օրը, ժամը 05.00-ից 11.30-ն ընկած ժամանակահատվածում, նշված շենքի բակում կայանված «Օպել Աստրա Ջ» մակնիշի ավտոմեքենայի դռան ապակին կոտրելով` սրահից գողացել են գազի բալոնը, ցուցիչը, անվտանգության բարձիկը, ձայնարկիչը և սրահը լուսավորող 3 լուսամփոփ:
Նոյեմբերի 6-ին ոստիկանության քրեական հետախուզության գլխավոր վարչությունում ստացված օպերատիվ տյալներն իրացնելիս, նշված գողությունը կատարելու կասկածանքով, Մաշտոցի բաժին բերման են ենթարկվել 1982 թ. ծնված Հարություն Հ.-ն, 1979 թ. ծնված Արսեն Զ.-ն, 1979 թ. ծնված Գուրգեն Գ.-ն և 1988 թ. ծնված Արգիշտի Ս.-ն:
Վերջիններս նախապատրաստված նյութերի հետ միասին ներկայացվել են Արաբկիրի քննչական բաժին:
Վնասի չափը պարզվում է:
Կատարվում է նախաքննություն: