Գլխավոր էջ ՆՈՐՈՒԹՅՈՒՆՆԵՐՀանրաքվե

Դեկտեմբերի 6-ին, ժամը 16.30-ին, Շիրակի մարզի դատախազությունից ոստիկանության Կումայրիի բաժնում գրությամբ ստացվել է նույն օրը «galatv.am» կայքում հրապարակված «Գյումրու տարբեր տեղամասերում գրանցվում են խախտումներ» վերտառությամբ հոդվածի պատճենը, համաձայն որի՝ Գյումրու թիվ 5 երաժշտական դպրոցում տեղակայված 34/24 ընտրատեղամասում հանձնաժողովի ՀԱԿ անդամը հիվանդացել է և չի ներկայացել աշխատանքի, իսկ «Ժառանգություն» կուսակցության անդամը երկու ժամով դուրս է եկել ընտրատեղամասից, 34/38 ընտրատեղամասում փորձում են կիրառել «կարուսել» կոչվող մեխանիզմ, նախնական տեղեկությամբ «Գծի հետև» կոչվող թաղամասի գրադարանում ընտրակաշառք են բաժանում: ՀՀ քաղաքացի Մարիամ Մովսիսյանը առաջին կարգի հաշմանդամ է, չի կարող տեղաշարժվել, սակայն 34 ԸԸՀ նախագահ Է.Բաղրամյանը հայտնել է, որ շրջիկ քվեատուփեր չկան:

Հանգամանքները պարզվում են:

Նախապատրաստվում են նյութեր: