Պատահարներ Երևանում և հանրապետության ավտոճանապարհներին

Մայիսի 7-ին, ժամը 18.00-ին, Երևանի Բագրատունյաց փողոցի թիվ 80 հասցեի դիմաց «Մերսեդես» մակնիշի ավտոմեքենան դուրս է եկել երթևեկելի մասից և բախվել ծառի:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 7-ին, ժամը 21.00-ին, «Նիսան» մակնիշի ավտոմեքենայի վարորդը Երևանում, «Բարի Սամարացի» գործարանի դիմաց, վրաերթի է ենթարկել 39-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 7-ին, ժամը 18.30-ի սահմաններում, Աղավնատուն-Ամբերդ-Լեռնամերձ գյուղերի խաչմերուկում «Մերսեդես» մակնիշի ավտոմեքենան դուրս է եկել երթևեկելի գոտուց և կողաշրջվել, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Նույն օրը, ժամը 22.30-ին, բուժօգնության է դիմել նաև վարորդը:
Կատարվում է քննություն:

***
Մայիսի 7-ին, ժամը 17.00-ի սահմաններում, Մեծամոր քաղաքի եկեղեցու դիմաց «Մերսեդես» մակնիշի ավտոմեքենայի վարորդը վրաերթի է ենթարկել 9-ամյա տղայի և նրան տեղափոխել հիվանդանոց:
Կատարվում է քննություն:

***
Մայիսի 7-ին, ժամը 20.45-ի սահմաններում, «Ֆորդ Տրանզիտ» մակնիշի ավտոմեքենայի վարորդը Աբովյանի ՃՈ անշարժ հենակետի մոտ հետընթաց կատարելու ժամանակ վրաերթի է ենթարկել 39-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Մայիսի 8-ին, ժամը 01.00-ին, վարորդը ներկայացել է Աբովյանի քննչական բաժին և տվել խոստովանական բացատրություն:
Կատարվում է քննություն:

***
Մայիսի 7-ին, ժամը 14.30-ին, ոստիկանության Կումայրիի բաժնում 60-ամյա մի կին հաղորդում է տվել, որ նույն օրը, ժամը 13.00-ի սահմաններում, «ՎԱԶ-21061» մակնիշի ավտոմեքենայի վարորդը Ախուրյանի խճուղու թիվ 1 հասցեի դիմաց վրաերթի է ենթարկել իրեն և 64-ամյա տղամարդու, ով մարմնական վնասվածքով տեղափոխվել է հիվանդանոց:
Կատարվում է քննություն:

***
Մայիսի 7-ին, ժամը 21.20-ին, հիվանդանոցից Տավուշի բաժնում հաղորդում է ստացվել, որ «զույգ ստորին վերջույթների բազմաթիվ քերծվածքներ» ախտորոշմամբ իրենց մոտ է տեղափոխվել 16-ամյա պատանի և հայտնել, որ վնասվածքը ստացել է վայր ընկնելու հետևանքով:
Պարզվել է, որ նույն օրը, ժամը 21.30-ի սահմաններում, «Միցուբիշի Մոնտեռո» մակնիշի ավտոմեքենայի վարորդը Արծվաբերդ գյուղի գյուղապետարանի մոտ վրաերթի է ենթարկել պատանուն և նրան տեղափոխել հիվանդանոց:
Կատարվում է քննություն: