Պատահարներ Երևանում և հանրապետության ավտոճանապարհներին

Հունվարի 26-ին, ժամը 15.00-ին, «Մերսեդես Բենց» մակնիշի ավտոմեքենան Երևանի Դավիթ-Բեկի փողոցում վրաերթի է ենթարկել 64-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 26-ին, ժամը 19.00-ին, Երևանի Արին-Բերդ և Արցախ փողոցների խաչմերուկում իրար են բախվել «ԲՄՎ» և «Օպել» մակնիշի ավտոմեքենաներ, որից հետո «ԲՄՎ»-ն բախվել է մայթեզրի քարին:
«ԲՄՎ»-ի վարորդը, ուղևորը և «Օպել»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունվարի 26-ին, ժամը 12.20-ի սահմաններում, Վարդենիս-Մարտունի ճանապարհի 2-րդ կմ-ի հատվածում իրար են բախվել «Մերսեդես Բենց» և «ՎԱԶ-21099» մակնիշի ավտոմեքենաներ:
«ՎԱԶ-21099»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 26-ին, ժամը 21.00-ի սահմաններում, Բագրատաշենի սահմանային անցակետ-Ալավերդի ճանապարհի 31-րդ կմ-ին «ՎԱԶ-21043» մակնիշի ավտոմեքենա է դուրս եկել ճանապարհի երթևեկելի մասից և ընկել ձորը, ինչի հետևանքով վարորդը և 2 ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունվարի 26-ին, ժամը 10.15-ի սահմաններում, Երևան-Սևան ճանապարհի 15-րդ կմ-ին «Նիսան» մակնիշի ավտոմեքենա է դուրս եկել ճանապարհի երթևեկելի հատվածից և ընկել ձորը, ինչի հետևանքով վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 26-ին, ժամը 10.30-ի սահմաններում, Երևան-Սևան մայրուղու 15-րդ կմ-ի հատվածում ծառայություն իրականացնելու ժամանակ ոստիկանության ծառայողը նկատել է, որ «Պորշ Կայեն» մակնիշի ավտոմեքենայի վարորդը վրաերթի է ենթարկել 60-ամյա տղամարդու:
Վարորդը բերման է ենթարկվել ոստիկանության Կոտայքի բաժին:
Կատարվում է քննություն:

***
Հունվարի 26-ին, ժամը 17.30-ի սահմաններում, «ՎԱԶ-21099» մակնիշի ավտոմեքենայի վարորդը Գյումրիի Պ. Սևակ փողոցի թիվ 16 շենքի դիմաց վրաերթի է ենթարկել 18-ամյա աղջկա, իր ավտոմեքենայով նրան տեղափոխել հիվանդանոց, ապա ներկայացել ոստիկանություն:
Կատարվում է քննություն: